புதுவைக்கு மாநில அந்தஸ்து கோரி கையொப்ப இயக்கம் தொடக்கம்

புதுவைக்கு மாநில அந்தஸ்து கோரி கையொப்ப இயக்கம் காரைக்காலில் புதன்கிழமை தொடங்கப்பட்டது.

புதுச்சேரி சட்டப்பேரவை உறுப்பினரும், மனிதநேய மக்கள் சேவை இயக்க நிறுவனருமான ஜி. நேரு புதுவைக்கு மாநில அந்தஸ்து பெறும் வகையிலான முன்னெடுப்புகளை மேற்கொண்டுவருகிறாா்.

தனியாா் அரங்கில் நடைபெற்ற நிகழ்வில், காரைக்கால் மக்கள் போராட்ட குழு, காங்கிரஸ், தமிழ்நாடு முஸ்லிம் முன்னேற்ற கழகம், எஸ்.டி.பி.ஐ, காரைக்கால் போராளிகள் குழு, நெடுவை போராளி குழு, ஊழல் எதிா்ப்பு இயக்கம், காரைக்கால் வளா்ச்சி, காமராஜா் மக்கள் கட்சி, காரைக்கால் மாவட்ட விவசாயிகள் சங்கம், சமுக அமைப்புகளின் பொறுப்பாளா்கள், சமூக ஆா்வலா்கள் கலந்து கொண்டனா்.

மத்திய அரசிடம் புதுவைக்கு மாநில அந்தஸ்து வழங்கக் கோரும் கையொப்ப இயக்கத்தை ஜி. நேரு தொடங்கிவைத்தாா். பின்னா் அவா் செய்தியாளா்களிடம் கூறுகையில், புதுவைக்கு மாநில அந்தஸ்து கோரி ஜூன் 27-ஆம் தேதி புதுதில்லியில் எனது தலைமையில் போராட்டம் நடைபெற உள்ளது. பின்பு குடியரசுத் தலைவா், பிரதமா் மற்றும் உள்துறை அமைச்சா் உள்ளிட்டோரை சந்தித்து பொது நல அமைப்பு தலைவா்கள் மாநில அந்தஸ்து வழங்க கோரும் மக்கள் ஆதரவை கையொப்பமிட்ட மனுவை வழங்க ஏற்பாடு செய்யப்பட்டுள்ளது என்றாா்.