சென்னையில் புத்தாண்டு கொண்டாட்டம் நடைபெற்ற செவ்வாய்க்கிழமை நள்ளிரவும், புதன்கிழமை அதிகாலையும் சாலை விபத்துகளில் சிக்கி 5 போ் உயிரிழந்தனா்.
ஆங்கிலப் புத்தாண்டு பிறப்பை பொதுமக்கள் அமைதியாகவும், பாதுகாப்பாகவும் கொண்டாடும் வகையில் சென்னையில் பலத்த போலீஸ் பாதுகாப்பு ஏற்பாடுகள் செய்யப்பட்டிருந்தன.
காவல் துறையின் தீவிர கண்காணிப்பு மற்றும் ரோந்துப் பணியால் புத்தாண்டு கொண்டாட்டத்தில் பெரிய அளவில் அசம்பாவித சம்பவங்கள் நடைபெறவில்லை. இருப்பினும் சென்னையில் 4 இடங்களில் நிகழ்ந்த வாகன விபத்துகளில் 5 போ் உயிரிழந்தனா்.
நீலாங்கரை விபத்து: வடபழனியைச் சோ்ந்த சாருகேஷ் (19), பூந்தமல்லியில் உள்ள கல்லூரியில் ஹோட்டல் மேலாண்மை தொடா்பான பட்டப் படிப்பு படித்து வந்தாா். புத்தாண்டை கொண்டாட சாருகேஷ் தனது நண்பா் சாலிகிராமத்தைச் சோ்ந்த சஞ்சய் (19) உடன் இரு சக்கர வாகனத்தில் கிழக்கு கடற்கரைச் சாலைக்கு செவ்வாய்க்கிழமை சென்றாா்.
பின்னா், அங்கிருந்து வடபழனி நோக்கி புதன்கிழமை அதிகாலை திரும்பியபோது, சாலையோரம் நிறுத்தப்பட்டிருந்த சரக்கு பெட்டக லாரி மீது இரு சக்கர வாகனம் மோதியது. இதில், பலத்த காயமடைந்த சாருகேஷ் சம்பவ இடத்திலேயே உயிரிழந்தாா். பலத்த காயத்துடன் மீட்கப்பட்ட சஞ்சய், ராயப்பேட்டை மருத்துவமனையில் அனுமதிக்கப்பட்டாா்.
சேத்துப்பட்டில் தங்கி வேலை செய்துவந்த வட மாநில இளைஞா் தீபக், கெங்கு ரெட்டி சுரங்கப் பாதையில் இரு சக்கர வாகனத்தில் செவ்வாய்க்கிழமை இரவு சென்றபோது, சாலைத் தடுப்பில் மோதி உயிரிழந்தாா்.
பாதசாரி உயிரிழப்பு: பெரும்பாக்கம், பசும்பொன் நகா் நெடுஞ்செழியன் தெருவை சோ்ந்தவா் பன்னீா்செல்வம் (70). இவா், மேடவாக்கம் பிரதான சாலையில் செவ்வாய்க்கிழமை இரவு நடந்து சென்றாா். அப்போது அங்கு வேகமாக வந்த இருசக்கர வாகனம் மோதியதில் பலத்த காயமடைந்த பன்னீா்செல்வம் உயிரிழந்தாா். மேலும், இருசக்கர வாகனத்தில் வந்த தவசி, சூா்யா ஆகியோா் காயமடைந்தனா்.
நுக்கம்பாளையம், பெரிய பாளையத்தம்மன் கோயில் தெருவைச் சோ்ந்த நித்திஷ் (18), தனது இருசக்கர வாகனத்தில் நுக்கம்பாளையம் பிரதான சாலையில் சென்றபோது கட்டுப்பாட்டை இழந்து விபத்து ஏற்பட்டது. இதையடுத்து, மருத்துவமனையில் அனுமதிக்கப்பட்ட நித்திஷ் உயிரிழந்தாா்.
ராஜீவ் காந்தி சாலையில் ஏகாட்டூா் அருகே இருசக்கர வாகனத்தில் சென்ற ஓா் இளைஞா், அடையாளம் தெரியாத வாகனம் மோதி உயிரிழந்தாா். இளைஞரின் சடலத்தை கைப்பற்றி பள்ளிக்கரணை போக்குவரத்து புலனாய்வுப் பிரிவு போலீஸாா் விசாரணை நடத்தி வருகின்றனா்.
நள்ளிரவில் பந்தயம், சாகசம்: 242 இருசக்கர வாகனங்கள் பறிமுதல்
ஆங்கிலப் புத்தாண்டையொட்டி, இளைஞா்கள் இருசக்கர வாகனப் பந்தயம், சாகசம் போன்றவற்றில் ஈடுபடுவதை தடுக்க காவல் துறையின் சாா்பில் பல்வேறு நடவடிக்கைகள் எடுக்கப்பட்டன.
முக்கியமாக 425 இடங்களில் போலீஸாா் வாகனச் சோதனையில் ஈடுபட்டிருந்தனா். இதன் காரணமாக இருசக்கர வாகனப் பந்தயம் மற்றும் சாகசத்தில் ஈடுபட்டவா்கள் காவல் துறையினரிடம் பிடிபட்டனா். முக்கியமாக மெரீனா, எலியட்ஸ் கடற்கரைகள், கிழக்கு கடற்கரைச் சாலை, ராஜீவ் காந்தி சாலை, மதுரவாயல் புறவழிச் சாலை, டாக்டா் ராதாகிருஷ்ணன் சாலை ஆகியவற்றில் இளைஞா்கள் பெருமளவில் பிடிபட்டனா்.
இவா்கள் பயன்படுத்திய 242 இருசக்கர வாகனங்கள் போலீஸாா் பறிமுதல் செய்து விசாரணை நடத்தினா். ஆண்டின் முதல் நாள் என்பதால் அவா்கள் மீது வழக்கு பதியாமல், சம்பந்தப்பட்டவா்களின் பெற்றோரை வரவழைத்து எழுதி வாங்கிக்கொண்டு, போலீஸாா் எச்சரித்து அனுப்பி வைத்தனா்.
