புவனேசுவரம் விரைவு ரயில் எண் மாற்றம்

ராமேசுவரம், புதுச்சேரி, சென்னையில் இருந்து புவனேசுவரம் செல்லும் ரயில்களின் எண்கள் மாற்றப்படவுள்ளதாக ரயில்வே நிா்வாகம் அறிவித்துள்ளது.

இதுகுறித்து தெற்கு ரயில்வே செவ்வாய்க்கிழமை வெளியிட்ட செய்திக் குறிப்பு: ஒடிஸா மாநிலம், புவனேசுவரத்தில் இருந்து ராமேசுவரம் செல்லும் விரைவு ரயில் 20896 எனும் எண்ணில் இயக்கப்படும் நிலையில், 20895 என மாற்றப்படவுள்ளது. மறுமாா்க்கமாக இயக்கப்படும் ரயில் 20895 என இயக்கப்பட்ட நிலையில் 20896 என மாற்றப்படவுள்ளது.

புவனேசுவரம்-புதுச்சேரி விரைவு ரயில் 12898 எனும் எண்ணுக்குப் பதிலாக 12897 என்ற எண்ணிலும், புதுச்சேரி-புவனேசுவரம் விரைவு ரயில் 12897 எனும் எண்ணுக்குப் பதிலாக 12898 என்ற எண்ணிலும் இயக்கப்படும்.

புவனேசுவரம்-சென்னை சென்ட்ரல் விரைவு ரயில் 12830 எனும் எண்ணுக்குப் பதிலாக 12829 என்ற எண்ணிலும், சென்னை சென்ட்ரல்-புவனேசுவரம் விரைவு ரயில் 12829 எனும் எண்ணுக்குப் பதிலாக 12830 என்ற எண்ணிலும் இயக்கப்படும். இந்த மாற்றம் அடுத்த ஆண்டு மாா்ச் மாதம் முதல் நடைமுறைக்கு வரும் எனத் தெரிவிக்கப்பட்டுள்ளது.