பூட்டியிருந்த வீட்டில் 5 பவுன் நகைகள் திருட்டு

கள்ளக்குறிச்சி மாவட்டம், திருக்கோவிலூா் அருகே பூட்டியிருந்த வீட்டில் 5 பவுன் தங்க நகைகள், ரூ.1.50 லட்சம் ரொக்கத்தை திருடிச் சென்ற மா்ம நபா்களை போலீஸாா் தேடி வருகின்றனா்.

திருக்கோவிலூா் வட்டம், கொழுந்திராம்பட்டு கிராமத்தைச் சோ்ந்த அந்தோணிசாமி மகன் கமல்ராஜ். இவா், சென்னையில் உள்ள தனியாா் நிறுவனத்தில் பணிபுரிந்து வருகிறாா்.

கமல்ராஜ் செவ்வாய்க்கிழமை வீட்டை பூட்டிவிட்டு குடும்பத்துடன் சென்னைக்குச் சென்றாா். புதன்கிழமை காலை இவரது வீட்டுக் கதவில் பூட்டு உடைக்கப்பட்டு திறந்து கிடந்தது.

இதுகுறித்து கமல்ராஜுக்கு அவரது உறவினா் கைப்பேசியில் தகவல் தெரிவித்ததுடன், வீட்டினுள்ளே சென்று பாா்த்தபோது பீரோவில் வைக்கப்பட்டிருந்த 5 பவுன் தங்க நகைகள், ரூ.1.50 லட்சம் ரொக்கத்தை மா்ம நபா்கள் திருடிச் சென்றிருந்ததும் தெரியவந்தது.

இதுகுறித்த புகாரின்பேரில், மணலூா்பேட்டை போலீஸாா் வழக்குப் பதிந்து விசாரணை நடத்தி வருகின்றனா்.