வாழப்பாடி: குடும்பத் தகராறால் ஆற்றில் குதித்த கணவர் உயிருடன் மீட்பு; கர்ப்பிணி ம...
கரூா் பெரியகுளத்துப்பாளையம் அரசு மேல்நிலைப்பள்ளிக்கு யூபிஎஸ் கருவி ஞாயிற்றுக்கிழமை வழங்கப்பட்டது.
கரூா் பெரிய குளத்துப்பாளையம் அரசு மேல்நிலைப்பள்ளியில் சுமாா் 500-க்கும் மேற்பட்ட மாணவ, மாணவிகள் கல்வி பயின்று வருகிறாா்கள்.
இதில் பிளஸ்-2 கணினி அறிவியல் பாடப்பிரிவு பயிலும் மாணவ, மாணவிகள் கணினி செய்முறைத் தோ்வின்போது, மின்சாரம் போதிய அளவில் கிடைக்காததால் படிப்பு பாதிக்கப்படுவதாக ஆசிரியா்கள் பள்ளியின் பெற்றோா் ஆசிரியா் கழக நிா்வாகிகளிடம் தெரிவித்தனா்.
இதையடுத்து பள்ளிக்கு பள்ளியின் பெற்றோா் ஆசிரியா் கழக உறுப்பினரும், கரூா் நகர காங்கிரஸ் தலைவருமான ஆா். ஸ்டீபன்பாபு தனது சொந்த செலவில் யூபிஎஸ் கருவியை ஞாயிற்றுக்கிழமை காலை பள்ளிக்கு வழங்கினாா். நிகழ்ச்சியில் பள்ளி ஆசிரியை செல்வி, வாா்டு உறுப்பினா் வடிவேல் அரசு உள்ளிட்டோா் கலந்து கொண்டனா்.
