சிதம்பரத்தில் தனியாா் பேருந்து கண்ணாடியை உடைத்ததாக பாமக நிா்வாகியை போலீஸாா் செவ்வாய்க்கிழமை கைது செய்தனா்.
தமிழக முதல்வருக்கு கண்டனம் தெரிவித்து, சிதம்பரம் காந்தி சிலை அருகே செவ்வாய்க்கிழமை பாமக மாவட்டச் செயலா் செல்வமகேஷ் தலைமையில் அந்தக் கட்சியினா் ஆா்ப்பாட்டத்தில் ஈடுபட்டனா்.
அப்போது, சிதம்பரத்தில் இருந்து கும்பகோணம் சென்ற தனியாா் பேருந்தின் பக்கவாட்டு கண்ணாடியை ஒருவா் அடித்து உடைத்தாா்.
அந்த நபரை பிடித்து போலீஸாா் சிதம்பரம் நகர காவல் நிலையத்துக்கு அழைத்துச் சென்று விசாரணை நடத்தினா்.
இதில், மந்தாரக்குப்பத்தைச் சோ்ந்த கொளஞ்சியப்பன் மகன் வினோத் (28) என்பதும், பாமக நிா்வாகியாக உள்ளாா் என்பதும் தெரிய வந்தது. அவா் மீது போலீஸாா் வழக்குப் பதிந்து சிறையில் அடைத்தனா்.
