பைக் மீது லாரி மோதல்: பள்ளி மாணவா் உயிரிழப்பு; இருவா் காயம்!

விழுப்புரம் மாவட்டம், விக்கிரவாண்டி அருகே பைக் மீது லாரி மோதியதில் பள்ளி மாணவா் உயிரிழந்தாா். மேலும் இரு மாணவா்கள் காயமடைந்தனா்.

விக்கிரவாண்டி வட்டம், பாப்பனப்பட்டு பகுதியைச் சோ்ந்த ராமு மகன் ராகுல் (17), நாகப்பன் மகன் மணிகண்டன் (17), சாம்பலவா்ணன் மகன் விஷ்வா (17 ). இவா்கள் பனையபுரத்தில் உள்ள அரசு மேல்நிலைப் பள்ளியில் ப்ளஸ் 2 படித்து வந்தனா்.

நண்பா்களான இவா்கள் மூவரும் செவ்வாய்க்கிழமை விழுப்புரம் - சென்னை சாலையில் விக்கிரவாண்டியை அடுத்த அழுக்குபாலம் அருகே ஒரே பைக்கில் சென்றனா். மணிகண்டன் பைக்கை ஓட்டினாா். அப்போது, பைக் மீது அந்தப் பகுதியில் வந்த சரக்கு லாரி மோதியதில், மூவரும் பலத்த காயமடைந்தனா்.

இதையடுத்து, அங்கிருந்தவா்கள் காயமடைந்தவா்களை மீட்டு, 108 அவசர ஊா்தி மூலம் விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனா்.

இருப்பினும், ராகுல் மருத்துவமனைக்கு செல்லும் வழியில் உயிரிழந்தாா். மணிகண்டன், விஷ்வா ஆகியோா் மருத்துவமனையில் அனுமதிக்கப்பட்டனா்.

இதுகுறித்த புகாரின்பேரில், விக்கிரவாண்டி போலீஸாா் செவ்வாய்க்கிழமை வழக்குப் பதிந்து விசாரித்து வருகின்றனா்.