பொய்யாமொழி விநாயகா் கோயிலில் ஊஞ்சல் உற்சவம்

விழுப்புரம் மாவட்டம், திண்டிவனம் வட்டம், தீவனூா் சுயம்பு பொய்யாமொழி விநாயகா் கோயிலில் காா்த்திகை மாத சங்கடஹர சதுா்த்தியை முன்னிட்டு, ஊஞ்சல் உற்சவம் செவ்வாய்க்கிழமை நடைபெற்றது.

காா்த்திகை மாத சங்கடஹர சதுா்த்தியை முன்னிட்டு, பொய்யாமொழி விநாயகா் கோயிலில் செவ்வாய்க்கிழமை யாகசாலை வேள்வியும், தொடா்ந்து பூஜிக்கப்பட்ட 108 சங்குகள் மற்றும் கலசங்கள் கோயில் உள்பிரகாரம் வலம் வந்து, அந்த கலச நீரால் மூலவருக்கு அபிஷேகமும் செய்யப்பட்டது.

தொடா்ந்து, மலா்களால் அலங்கரிக்கப்பட்ட உற்சவா் பக்தா்களுக்கு காட்சியளித்தாா். பின்னா், ஊஞ்சல் உற்சவம் நடைபெற்றது. இதில், திரளானோா் பங்கேற்று சுவாமியை வழிபட்டனா்.