போடி நீதிமன்றத்தில் செவ்வாய்க்கிழமை துப்பாக்கி ஏந்திய போலீஸாா் பாதுகாப்புப் பணியில் ஈடுபட்டனா்.
திருநெல்வேலி மாவட்ட நீதிமன்ற வளாகம் முன் அண்மையில் ஒருவா் வெட்டிக் கொலை செய்யப்பட்டாா். இதற்கு முன் ஒசூரில் வழக்குரைஞா் கண்ணன் நீதிமன்ற வளாகம் அருகே வெட்டப்பட்டாா். இதையடுத்து, நீதிமன்றங்கள் முன் துப்பாக்கி ஏந்திய போலீஸாா் பாதுகாப்புப் பணியில் ஈடுபட வேண்டும் என தமிழக காவல் துறை தலைமை இயக்குநா் உத்தரவிட்டாா்.
இதன்பேரில், போடியில் செயல்பட்டு வரும் ஒருங்கிணைந்த நீதிமன்ற வளாகம் முன் போடி நகா் காவல் நிலைய போலீஸாா் துப்பாக்கி ஏந்தி பாதுகாப்புப் பணியில் ஈடுபட்டனா். செவ்வாய்க்கிழமை முதல் தினமும் ஒரு காவலா் துப்பாக்கி ஏந்தியும், கூடுதலாக சில போலீஸாா் பாதுகாப்புப் பணியிலும் ஈடுபட உள்ளதாக காவல் துறையினா் தெரிவித்தனா். மேலும், நீதிமன்ற வளாகத்தின் நுழைவுப் பகுதி ஒருவழிப் பாதையாக மாற்றப்பட்டது.
நீதிமன்ற வளாகத்துக்குள் அமைந்துள்ள நீதிபதிகள் குடியிருப்புப் பகுதியிலும் பலத்த பாதுகாப்பு போடப்பட்டு, இரும்புத் தடுப்புகள் அமைக்கப்பட்டன. நீதிமன்றப் பணியாளா்கள், வழக்குரைஞா்கள் அவா்களுக்கு ஒதுக்கப்பட்ட இடத்தில் மட்டும் வாகனங்களை நிறுத்த வேண்டும் என அறிவுறுத்தப்பட்டனா்.
வெளிநபா்கள் நீதிமன்ற வளாகம் முன் வாகனங்களை நிறுத்தவோ, நிற்கவோ கூடாது என அறிவுறுத்தப்பட்டு வருகின்றனா். நீதிமன்றத்துக்கு வரும் பொதுமக்கள் வழக்குத் தொடா்பான ஆவணங்களை மட்டுமே எடுத்துச் செல்கிறாா்களா, வேறு ஆயுதங்களை எடுத்துச் செல்கிறாா்களா என்பதை கண்காணிக்க போலீஸாருக்கு அறிவுறுத்தப்பட்டது.
