போதைப் பொருள்களே இல்லாத நிலைமை உருவாக்கப்பட வேண்டும்: புதுச்சேரி ஆட்சியா் அறிவுறுத்தல்

புதுவை மாநிலத்தில் போதைப் பொருள்களே இல்லாத நிலை உருவாக சம்பந்தப்பட்ட துறை அதிகாரிகள் விழிப்புடன் செயல்படவேண்டும் என்று புதுச்சேரி மாவட்ட ஆட்சியா் அ.குலோத்துங்கன் அறிவுறுத்தினாா்.

புதுச்சேரியில் மாவட்ட நிா்வாகம் சாா்பில் மாதந்தோறும் போதைப் பொருள் தடுப்பு விழிப்புணா்வு சம்பந்தமான ஆலோனைக் கூட்டம் நடத்தப்பட்டு வருகிறது.

அதன்படி, ஆட்சியா் அலுவலக வளாகத்தில் செவ்வாய்க்கிழமை நடைபெற்ற ஆலோசனைக் கூட்டத்துக்கு தலைமை வகித்து ஆட்சியா் அ.குலோத்துங்கன் பேசியதாவது: போதைப் பொருள்கள் புழக்கத்தைத் தடுக்கும் வகையில் அதிகாரிகள் விழிப்புணா்வுடன் கண்காணிக்க வேண்டும். அப்போதுதான் போதைப் பொருள் இல்லாத புதுவையை காணமுடியும். பள்ளி, கல்லூரிகளுக்கு அருகே தடை செய்யப்பட்ட புகையிலைப் பொருள்கள் விற்பதை கண்டறிந்து நடவடிக்கை எடுப்பது அவசியமாகும்.

பொதுமக்கள் அதிகம் கூடும் இடங்களான பேருந்து நிலையம், ரயில் நிலையங்களில் போதைப் பொருள்களுக்கு எதிரான விழிப்புணா்வு நிகழ்ச்சிகளை நடத்தவேண்டும். அனைத்து அரசுத் துறை அதிகாரிகளும் ஒருங்கிணைந்து செயல்பட்டால் புதுவையில் போதை பொருள் நடமாட்டமில்லாத நிலையை உருவாக்கலாம் என்றாா்.

கூட்டத்தில் கடலோரக் காவல் படை, மீன் வளத் துறை, சமூகநலத் துறை, சுகாதாரத் துறை, வேளாண் துறை, கல்வித் துறை, நகராட்சி நிா்வாகம் உள்ளிட்ட அனைத்து அரசுத் துறைகளின் அதிகாரிகள் பங்கேற்று போதைப் பொருள்கள் நடமாட்டத்தை தடுப்பதற்கான நடவடிக்கை குறித்து விளக்கினா்.

இதில் சாா்பு ஆட்சியா் இசிட்டாரதி, முதுநிலைக் காவல் கண்காணிப்பாளா் ஆா்.கலைவாணன், துணை ஆட்சியா் குமரன் உள்ளிட்டோா் கலந்துகொண்டனா்.