ஐபிஎல் இறுதிப்போட்டி: ஆர்சிபிக்கு எதிராக பஞ்சாப் பந்துவீச்சு!
திருப்பூா் மாநகரில் சட்டவிரோத மது விற்பனையில் ஈடுபட்ட 3 பேரை போலீஸாா் ஞாயிற்றுக்கிழமை கைது செய்தனா்.
திருப்பூா் மாநகரம் மத்திய காவல் நிலைய எல்லைக்குள்பட்ட கொடிகம்பம் பகுதி டாஸ்மாக் மதுபானக் கூடம் அருகே சட்டவிரோத மது விற்பனை நடைபெறுவதாக காவல் துறையினருக்குத் தகவல் கிடைத்தது.
சம்பவ இடத்தில் போலீஸாா் சோதனை மேற்கொண்டபோது, திருப்பூரைச் சோ்ந்த சின்னம்பலம் (33) என்பவா் மது விற்பனையில் ஈடுபட்டிருந்தது தெரியவந்தது.
இதையடுத்து, சின்னம்பலத்தை கைது செய்த போலீஸாா், அவரிடமிருந்த 26 மதுபாட்டில்களையும் பறிமுதல் செய்தனா்.
இதேபோல, திருப்பூா் தெற்கு காவல் நிலைய எல்லைக்குள்பட்ட பகுதியில் மது விற்பனையில் ஈடுபட்டிருந்த செல்வம் (51) என்பவரை கைது செய்த மது விலக்கு அமலாக்கப் பிரிவு போலீஸாா், அவரிடமிருந்த 28 மது பாட்டில்களையும் பறிமுதல் செய்தனா்.
திருமுருகன்பூண்டி காவல் நிலைய எல்லைக்குள்பட்ட பகுதியில் மது விற்பனையில் ஈடுபட்டிருந்த செய்த செல்வன் (44) என்பவரை கைது செய்த போலீஸாா், அவரிடமிருந்த 27 மதுபாட்டில்களையும் பறிமுதல் செய்தனா்.
