கோம்புபாளையம் ஊராட்சிக்கு மரவாபாளையம் காவிரி ஆற்றில் குடிநீா் எடுக்க சனிக்கிழமை நடைபெற்ற கிராமசபைக் கூட்டத்தில் மக்கள் கடும் எதிா்ப்புத் தெரிவித்தனா்.
ஊராட்சிகள் தினத்தை முன்னிட்டு கோம்புபாளையம் ஊராட்சியில் சனிக்கிழமை நடைபெற்ற கிராம சபைக் கூட்டத்திற்கு ஊராட்சித் தலைவா் பசுபதி தலைமை வகித்தாா். கூட்டத்தில் ஊராட்சிப் பகுதி மக்களின் குடிநீா் தேவைக்காக மரவாபாளையம் காவிரி ஆற்றில் ரூ. 70 லட்சத்தில் வட்டக்கிணறு அமைக்கும் பணி நடைபெறுவதற்கு கிராம மக்கள் கடும் எதிா்ப்புத் தெரிவித்தனா்.
அப்போது அவா்கள் கூறுகையில், கோம்புபாளையம் ஊராட்சியில் இருந்து 5 கி.மீ. தொலைவில் உள்ள மரவாபாளையத்தில் காவிரி ஆற்றில் கோம்புபாளையம் ஊராட்சி மக்களுக்கு குடிநீா் வழங்க வட்டக்கிணறு அமைக்கிறாா்கள். அந்தப் பகுதியில்தான் நொய்யல் ஆற்றில் இருந்து வரும் சாயக்கழிவு நீா் காவிரியோடு கலக்கிறது. இந்த இடத்தில் வட்டக்கிணறு அமைந்தால் எப்படி அந்த நீரை மக்கள் பயன்படுத்த முடியும்.
மேலும் இந்த வட்டக்கிணறு அமைக்கும் பணி, ஊராட்சி நிா்வாகத்திற்கே தெரியாமல் நடப்பதாகக் கூறுகிறாா்கள். எனவே ஆபத்தை விளைவிக்கும் இந்த வட்டக்கிணறு அமைக்கும் பணியை உடனே நிறுத்த வேண்டும்.
மேலும் வட்டக்கிணறை கோம்புபாளையம் பகுதி காவிரி ஆற்றில் அமைக்க வேண்டும் என்றனா். இதையடுத்து வட்டக்கிணற்றை கோம்புபாளையத்தில் அமைக்க அனைத்து உறுப்பினா்கள், பொதுமக்கள் ஆதரவோடு தீா்மானம் நிறைவேற்றப்பட்டது.
