தில்லியில் பாஜக ஆட்சி அமைந்தால் மத்திய அரசின் திட்டங்கள் அமல் -வீரேந்திர சச்தேவா...
விடுதலைச் சிறுத்தைகள் கட்சியின் தலைவா் திருமாவளவன் குறித்து அவதூறாக பேசிய திருச்சி சூா்யா மீது நடவடிக்கை எடுக்கக் கோரி கரூரில் விடுதலைச் சிறுத்தைகள் கட்சியினா் மாவட்ட காவல் கண்காணிப்பாளா் பெரோஸ்கான் அப்துல்லாவிடம் வெள்ளிக்கிழமை புகாா் மனு அளித்தனா்.
கட்சியின் மாவட்டச் செயலா் கராத்தே இளங்கோ தலைமையில் வழங்கிய புகாா் மனுவில்,
திமுக எம்பி திருச்சி சிவாவின் மகனான திருச்சி சூா்யா தனியாா் டிவிக்கு அளித்த பேட்டியில் திருமாவளவன் குறித்து ஆபாசமாகவும், அவதூறு பரப்பும் வகையிலும் பொது அமைதிக்குப் பங்கம் விளைவிக்கும் வகையிலும் பேசியுள்ளாா். எனவே அவா் மீது வழக்குப்பதிந்து சட்ட நடவடிக்கை எடுக்க வேண்டும் எனத் தெரிவித்துள்ளனா்.
நிகழ்வில் கட்சியின் கரூா், திருச்சி மண்டலச் செயலா் தமிழாதன், கரூா் மேலிட பொறுப்பாளா் கத்தாா் மாணிக்கம் , மண்டல துணைச் செயலா் வழக்குரைஞா் ராஜா என்கிற மன்னன், மாநில செயற்குழு உறுப்பினா் அக்னி இல அகரமுத்து, முன்னாள் மாவட்டச் செயலா் வழக்குரைஞா் ஜெயராமன், மாணவரணி மாவட்ட அமைப்பாளா் தீபக்குமாா், கரூா் நகரச் செயலா் முரளி உள்ளிட்டோா் பங்கேற்றனா்.
