மருங்காபுரி வட்டத்தில் புதன்கிழமை நடைபெற்ற ‘உங்களைத் தேடி உங்கள் ஊரில்’ நலத் திட்ட முகாமில் ரூ. 18.5 லட்சத்தில் 69 பயனாளிகளுக்கு நலத்திட்ட உதவிகள் வழங்கப்பட்டன.
அரசின் நலத் திட்டங்கள், சேவைகள் தங்குதடையின்றி விரைந்து மக்களைச் சென்றடைவதை உறுதி செய்ய உங்களைத் தேடி உங்கள் ஊரில் என்ற திட்டம் செயல்படுத்தப்படுகிறது.
இத்திட்டத்தின்படி, மாவட்ட ஆட்சியா் தலைமையிலான அலுவலா்கள் காலை 9 மணி முதல் மறுநாள் காலை 9 மணி வரை ஒரு வட்டத்தில் தங்கி, அரசுத் துறைகளால் செயல்படுத்தப்படும் திட்டங்கள் மற்றும் சேவைகளைப் பற்றி ஆய்வு செய்வா். இதில் பெறப்படும் கருத்துகளின் அடிப்படையில், ஆட்சியா் பிரச்னைகளுக்கு தீா்வு காண்பாா்.
அந்த வகையில் மாவட்ட ஆட்சியா் மா. பிரதீப்குமாா் புதன்கிழமை மருங்காபுரி வட்டத்தில் ஆய்வு செய்து, கோவில்பட்டி அரசு மாணவா் மற்றும் மாணவியா் விடுதியில் மாணவ, மாணவிகளுடன் கலந்துரையாடினாா். தொடா்ந்து, கல்லாமேடு அரசு ஆரம்ப சுகாதார நிலைய வளாகத்தை பாா்வையிட்டாா்.
கோவில்பட்டியில் நடைபெற்ற முகாமில் பொதுமக்களிடமிருந்து 106 கோரிக்கை மனுக்கள் பெறப்பட்டன. இதில், அரசு அலுவலா்கள் தங்களுக்குப் பணிக்கப்பட்ட பகுதிகளில் ஆய்வு செய்து, அந்த விவரங்களைக் கூட்டத்தில் பதிவு செய்தனா்.
இம்முகாமில் பல்வேறு துறைகளின் சாா்பில் ரூ. 18.5 லட்சத்தில் 69 பயனாளிகளுக்கு அரசு நலத் திட்ட உதவிகள் வழங்கப்பட்டன.
நிகழ்வில், மாவட்ட வருவாய் அலுவலா் ராஜலட்சுமி, மாவட்ட ஊரக வளா்ச்சி முகமைத் திட்ட இயக்குநா் கங்காதாரிணி, திட்ட இயக்குநா் (மகளிா் திட்டம்) சுரேஷ், ஸ்ரீரங்கம் வருவாய்க் கோட்டாட்சியா் சீனிவாசன் உள்ளிட்ட அரசு அலுவலா்கள், பொதுமக்கள் கலந்து கொண்டனா்.
