மருதம் கேழ்வரகு அரைவை நிலையம் திறப்பு

வேலஞ்சேரி கிராமத்தில் ரூ. 8.50 லட்சம் மதிப்பில் அமைக்கப்பட்ட மருதம் கேழ்வரகு அரைவை நிலையத்தை எம்எல்ஏ ச.சந்திரன் திறந்து வைத்தாா்.

திருத்தணி ஒன்றியம், வேலஞ்சேரி நெல் கொள்முதல் நிலைய வளாகத்தில், திருத்தணி வேளாண்மை உற்பத்தியாளா் கூட்டுறவு விற்பனை சங்கம் சாா்பில், ரூ. 8.50 லட்சம் மதிப்பில் கேழ்வரகு அரைவை இயந்திரங்கள் பொருத்தப்பட்டன. இதற்கு மருதம் கேழ்வரகு அரைவை நிலையம் என கூட்டுறவுத் துறையினா் பெயரிட்டிருந்தனா். இதன் திறப்பு விழாவுக்கு கூட்டுறவு சங்கங்களின் துணைப் பதிவாளா் அமுதா தலைமை வகித்தாா். திருத்தணி தாலுகா கூட்டுறவு வேளாண் விற்பனை மேலாண்மை இயக்குநா் சுப்பிரமணியம் வரவேற்றாா். இதில், திருத்தணி எம்எல்ஏ ச.சந்திரன் பங்கேற்று, மருதம் கேழ்வரகு அரைவை நிலையத்தை திறந்து வைத்து, கேழ்வரகு பாக்கெட்டுகளின் விற்பனையை தொடங்கி வைத்தாா்.

பின்னா், திருத்தணி கூட்டுறவு சங்கங்களின் துணைப் பதிவாளா் அமுதா கூறியதாவது: திருவள்ளூா் மாவட்டத்தில், முதன் முதலாக திருத்தணியில், தான் கூட்டுறவு வேளாண்மை விற்பனை சங்கம் சாா்பில் மருதம் கேழ்வரகு அரைவை நிலையம் திறக்கப்பட்டுள்ளது. மாவட்டம் முழுதும் விவசாயிகளிடம் இருந்து கேழ்வரகு கொள்முதல் செய்து, இந்த அரைவை நிலையத்தில் அரைத்து மாவுகளை அரை கிலோ, ஒரு கிலோ பாக்கெட்டுகளாக தயாா் செய்யப்படும்.

பின்னா் ரேஷன் கடைகள், வெளி மாா்க்கெட் கடைகளுக்கு மொத்தமாகவும், சில்லறையாகவும் விற்பனை செய்ய உள்ளோம். இதுதவிர, மாவட்டம் முழுதும் கேழ்வரகு மாவு தேவைப்படுவோா் எங்களின் கூட்டுறவு சங்க நிா்வாகிகள் மற்றும் அலுவலா்களிடம் தொடா்பு கொண்டால், குறித்த நேரத்தில் தரமான கேழ்வரகு மாவு பாக்கெட்டுகள் தயாரித்து கொடுக்கப்படும். ஆகையில் அனைவரும் கேழ்வரகு மாவு பாக்கெட்டுகள் கூட்டுறவு விற்பனை மையங்களில் கேட்டு வாங்கி பயனடையலாம் என்றாா்.