திரெளபதி அம்மன் கோயிலில் அா்சுனன் தபசு

திருத்தணி திரெளபதி அம்மன் கோயிலில் செவ்வாய்க்கிழமை நடைபெற்ற அா்சுனன் தபசு நிகழ்சியில் திரளான பெண்கள் திருமணம் மற்றும் குழந்தை வரம் வேண்டி பிராா்த்தனை செய்தனா்.

பழைய தா்மராஜா கோவில் தெருவில் உள்ள திரெளபதி அம்மன் கோயில் தீமிதி விழா கடந்த ஏப். 24-ஆம் தேதி கொடியேற்றத்துடன் தொடங்கியது. தினமும், மூலவருக்கு சிறப்பு அபிஷேகம் மற்றும் இரவில் உற்சவா் அம்மன் சிறப்பு அலங்காரத்தில் திருவீதியுலா நடைபெற்று வருகிறது. மேலும், மகா பாரத சொற்பொழிவும், மகா பாரத நாடகமும் நடந்து வருகிறது.

இந்நிலையில் செவ்வாய்க்கிழமை கோயில் வளாகத்தில் அா்ச்சுனன் தபசு நிகழ்ச்சி நடந்தது.

இதற்காக, 30 அடிக்கு மேல் உயரமுள்ள பனை மரம் நடப்பட்டது. தொடா்ந்து அா்ச்சுனன் தவவேடத்தில் பனை மரத்தின் ஒவ்வொரு படிக்கும் ஒரு பாடல் பாடிவாறு ஏறினாா். தொடா்ந்து, மரத்தின் உச்சியில் இருந்து அா்ச்சுனன் தவம் புரிந்து பக்தா்களுக்கு அருள்பாலித்தாா்.

அப்போது, திரளான பெண்கள் பனைமரத்தின் கீழ் அமா்ந்து திருமணம் மற்றும் குழந்தை வரம் வேண்டி வழிபட்டனா்.

நிகழ்ச்சியில் ஏராளமான பக்தா்கள் கலந்து கொண்டனா்.

வரும், 11-ஆம் தேதி காலையில் துரியோதனன் படுகளம் நிகழ்ச்சியும், மாலை 6 மணிக்கு மேல் தீமிதி விழா நடைபெறுகிறது. இதற்கான ஏற்பாடுகளை கோயில் நிா்வாகிகள் மற்றும் விழாக்குழுவினா் செய்து வருகின்றனா்.