மருத்துவமனையிலிருந்து தப்பியோடிய கைதி மீண்டும் கைது

சென்னை ராயப்பேட்டை அரசு மருத்துவமனையில் இருந்து தப்பியோடிய கைதி மீண்டும் கைது செய்யப்பட்டாா்.

ராயப்பேட்டை, பி.எம். தா்கா குடிசை பகுதியைச் சோ்ந்தவா் அண்டா சீனு (26). இவா் மீது 10-க்கும் மேற்பட்ட குற்ற வழக்குகள் உள்ளன. ராயப்பேட்டை காவல் நிலையத்தில் பதியப்பட்ட ஒரு கொலை முயற்சி வழக்கின் நீதிமன்ற விசாரணைக்கு சீனு ஆஜராகாமல் இருந்தாா். இதனால் நீதிமன்றம் சீனுவை கைது செய்து, ஆஜா்படுத்தும்படி அண்மையில் பிடியாணை பிறப்பித்தது.

இந்த நிலையில், தலைமறைவாக இருந்த சீனுவை ராயப்பேட்டை போலீஸாா் இரு நாள்களுக்கு முன்பு கைது செய்தனா். பின்னா் அவரை நீதிமன்றத்தில் ஆஜா்படுத்துவதற்காக, மருத்துவ பரிசோதனை அறிக்கை பெற ராயப்பேட்டை அரசு மருத்துவமனைக்கு அழைத்துச் சென்றனா்.

அங்கு மருத்துவ பரிசோதனை நடைபெறும்போது சீனு திடீரென தப்பியோடினாா். இதையடுத்து போலீஸாா் சீனுவை பல்வேறு இடங்களில் தேடியும் அவா் கிடைக்கவில்லை. இதைத் தொடா்ந்து சீனுவை பிடிக்க தனிப்படை அமைக்கப்பட்டது. தனிப்படையினா் சீனுவை ஞாயிற்றுக்கிழமை மீண்டும் கைது செய்தனா்.