மாணவிகளிடம் சில்மிஷத்தில் ஈடுபட்ட தலைமை ஆசிரியர்... வேலூர் மலைக்கிராம அரசுப் பள்ளியில் விசாரணை!

வேலூர் மாவட்டம், பேரணாம்பட்டு அருகேயுள்ள ஓர் மலைக் கிராமத்தில் செயல்பட்டு வரும் அரசு உயர்நிலைப் பள்ளியில் 120 மாணவ - மாணவிகள் பயில்கின்றனர்.

குடியாத்தம் பகுதியைச் சேர்ந்த 44 வயதான நபர், இந்தப் பள்ளியில் கடந்த 10 ஆண்டுகளாக கணித ஆசிரியராகப் பணிபுரிந்து வந்திருக்கிறார். தற்போது, பள்ளியில் தலைமை ஆசிரியர் பணி காலியாக உள்ளதால், அந்த பொறுப்பில் இந்த ஆசிரியர் நியமிக்கப்பட்டிருக்கிறார். இந்த நிலையில், 9-ம் வகுப்புப் பயிலும் 3 மாணவிகளிடம் பாலியல் அத்துமீறலில் ஈடுபட்டதாக தலைமை ஆசிரியர் மீது புகார் எழுந்திருக்கிறது. பாதிக்கப்பட்டதாகக் கூறப்படும் 3 மாணவிகள் தரப்பில் இருந்து அவர்களது பெற்றோர்களே மாவட்ட ஆட்சியரைத் தொடர்புகொண்டு புகாரைப் பதிவு செய்திருக்கின்றனர். இதையடுத்து, மாவட்ட ஆட்சியர் சுப்புலெட்சுமி விசாரணைக்கு உத்தரவிட்டதால், குடியாத்தம் வருவாய்க் கோட்டாட்சியர் சுபலட்சுமி மற்றும் பேரணாம்பட்டு தாசில்தார் வடிவேல் ஆகியோர் நேற்று இரவு சம்பந்தப்பட்ட மாணவிகளின் வீடுகளுக்கு நேரில் சென்று விசாரணை மேற்கொண்டார்கள்.

``மாணவிகளின் கைகளை முறுக்கி முதுகில் அடிக்கிறார். தோள் மீது கை போடுகிறார். மாணவிகள் அணிந்துள்ள சீருடையின் முன்பக்க கோட்டை தூக்கிப் பார்க்கிறார். தவறான கேள்விஎனக் கேட்கிறார். பையைத் திறந்து உணவு திண்பண்டங்களையும் எடுத்து தின்றுவிடுகிறார்’’ என மாணவிகள் தெரிவித்திருக்கின்றனர். புகாரளிலுள்ள உண்மைத்தன்மைக் குறித்து வருவாய்த்துறை அதிகாரிகள் தீவிரமாக விசாரணை மேற்கொண்டு வருகிறார்கள். அதே சமயம், குடியாத்தம் அனைத்து மகளிர் காவல் நிலையப் போலீஸாரும் விசாரணை நடத்தி வருகின்றனர். மேலும் சில மாணவிகளிடமும் தலைமை ஆசிரியர் பாலியல் அத்துமீறலில் ஈடுபட்டதாகத் தெரியவந்திருக்கிறது. தலைமை ஆசிரியரை கைது செய்யவும் நடவடிக்கைகள் எடுக்கப்பட்டு வருகின்றன. மலைக் கிராம அரசுப் பள்ளியில் நடைபெற்றுள்ள இந்தச் சம்பவம், அங்கு வாழும் மக்களிடையேயும் கடும் கொந்தளிப்பை ஏற்படுத்தியிருக்கின்றன.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb