மாநகரப் பேருந்து மாத பயண அட்டை பெற அவகாசம் நீட்டிப்பு

சென்னை மாநகரப் போக்குவரத்துக் கழகப் பேருந்துகளில் பயணிக்கும் பயணிகள், மாத பயண அட்டை பெறுவதற்கான அவகாசம் நீட்டிக்கப்பட்டுள்ளது.

மாதாந்திர பேருந்து பயண அட்டையை ஒவ்வொரு மாதமும், மாதத்தின் 16ஆம் தேதி வரை விநியோகிப்பது வழக்கம். ஆனால் இந்த முறை பொங்கல் மற்றும் தொடர் விடுமுறை காரணமாக பொதுமக்கள் பலரும் மாதப் பயண அட்டையை பெறாமல் இருந்திருப்பர்.

எனவே மக்களின் வசதிக்காக, மாதாந்திர பேருந்து பயண அட்டையை ஜனவரி 24ஆம் தேதி வரை பெற்றுக்கொள்ள வழிவகை செய்யப்பட்டுள்ளது.

மேலும். ரூ.1,000 பேருந்து பயண அட்டை, மாணவர்களுக்கான 50 சதவீத சலுகை பயண அட்டை அனைத்தையும் ஜனவரி 24 வரை மாநகரப் போக்குவரத்துக் கழக பயணச் சீட்டு விற்பனை மையங்களில் பெற்றுக் கொள்ளலாம் என்று தெரிவிக்கப்பட்டுள்ளது.