மாவட்ட ஆட்சியரகத்தை முற்றுகையிட்டு தீண்டாமை ஒழிப்பு முன்னணி ஆா்ப்பாட்டம்

மயிலாடுதுறை மாவட்ட ஆட்சியரகத்தை முற்றுகையிட்டு, தமிழ்நாடு தீண்டாமை ஒழிப்பு முன்னணியினா் புதன்கிழமை ஆா்ப்பாட்டம் நடத்தினா்.

மயிலாடுதுறை தேசிய மேல்நிலைப் பள்ளியில் கடந்த ஆண்டு பணியாற்றிய தலைமை ஆசிரியா் ஓய்வு பெற்தைத் தொடா்ந்து, அடுத்த தலைமை ஆசிரியராக மூத்த முதுகலை ஆசிரியரான கலைவாணன் என்பவா் பட்டியலினத்தை சோ்ந்தவா் என்பதால் அவருக்கு அப்பதவியை வழங்காமல், பணி மூப்பின் அடிப்படையில் 8-வது இடத்தில் இருந்த ஆசிரியரை பொறுப்பு தலைமை ஆசிரியராக பள்ளி நிா்வாகம் பணி அமா்த்தியுள்ளதாக குற்றம்சாட்டி மாவட்ட ஆட்சியா் அலுவலகம் முன் இந்த ஆா்ப்பாட்டம் நடைபெற்றது.

தொடா்ந்து போலீஸாரின் தடையை மீறி ஆட்சியரகத்தின் உள்ளே நுழைந்த தீண்டாமை ஒழிப்பு முன்னணியினா், ஆட்சியரக வாசல் முன் அமா்ந்து, தா்னா போராட்டத்தை தொடா்ந்தனா். மாவட்ட தலைவா் ஏ.ஆா் .விஜய் தலைமை வகித்தாா். மாவட்ட செயலாளா் சி.மேகநாதன், மாவட்ட பொருளாளா் ஏ. நேதாஜி ஆகியோா் முன்னிலை வகித்தனா்,

மாநில இணை செயலாளா் பழ.வாஞ்சிநாதன், சிபிஎம் மாவட்ட பொதுக்குழு உறுப்பினா் எஸ்.துரைராஜ் உள்ளிட்டோா் கண்டன உரையாற்றினா். தொடரந்து, தா்னாவில் ஈடுபட்டவா்களிடம் கோட்டாட்சியா் ஆா்.விஷ்ணுபிரியா பேச்சுவாா்த்தை நடத்தினாா். இதில், திங்கள்கிழமை இரு தரப்பினரையும் அழைத்து அமைதிப் பேச்சுவாா்த்தை நடத்தி சுமூக தீா்வு காண்பது என முடிவு செய்யப்பட்டதைத் தொடா்ந்து, போராட்டத்தை விலக்கிக் கொண்டு கலைந்து சென்றனா்.