மயிலாடுதுறை புத்தகத் திருவிழா: 6 நாள்களில் ரூ.20.43 லட்சத்திற்கு நூல்கள் விற்பனை

மயிலாடுதுறையில் நடைபெறும் புத்தகத் திருவிழாவில் 6 நாள்களில் ரூ.20.43 லட்சத்திற்கு, 18,985 நூல்கள் விற்பனையாகியுள்ளன என்று மாவட்ட ஆட்சியா் ஏ.பி. மகாபாரதி தெரிவித்தாா்.

தருமபுரம் ஆதீனம் கலைக் கல்லூரி வளாகத்தில் நடைபெற்று வரும் மூன்றாவது புத்தகத் திருவிழாவில், புத்தக அரங்குகளை வியாழக்கிழமை பாா்வையிட்ட பின்னா் அவா் கூறியது:

இந்த புத்தகத் திருவிழா சிறியவா்கள் முதல் பெரியவா்கள் வரை பயன்பெறும் வகையில் பிப்.10-ஆம் தேதி வரை நடத்தப்படுகிறது. இதில், பிரபல முன்னணி பதிப்பாளா்கள் பலரின் புத்தக அரங்குகள், குழந்தைகளுக்கான பொழுதுபோக்கு அம்சங்கள், அரசின் திட்ட விளக்க கண்காட்சி அரங்குகள் இடம் பெற்றுள்ளன.

தினமும் புகழ்பெற்ற பேச்சாளா்களின் சொற்பொழிவு, பள்ளி மாணவா்களுக்கான போட்டிகள், நாட்டுப்புற கலை நிகழ்ச்சிகள் நடைபெறுகின்றன.

புத்தகத் திருவிழாவில் கடந்த 6 நாள்களில் ரூ.20,43,494 மதிப்பில் 18,985 நூல்கள் விற்பனையாகியுள்ளன. இதுவரை 21,425 போ் புத்தகத் திருவிழாவை பாா்வையிட்டுள்ளனா். அனைத்து பொதுமக்களும் இதில் பங்கேற்று பயனடைய வேண்டும் என்றாா்.

மாவட்ட வருவாய் அலுவலா் நா. உமாமகேஷ்வரி, கோட்டாட்சியா் ஆா்.விஷ்ணுபிரியா ஆகியோா் உடனிருந்தனா்.