மின்சாரம் பாய்ந்து கிராமப் பணியாளா் உயிரிழப்பு

மதுரை மாவட்டம், சோழவந்தான் அருகே மின்சாரம் பாய்ந்ததில் கிராமப் பணியாளா் உயிரிழந்தாா்.

சோழவந்தான் அருகே உள்ள மேலக்காலைச் சோ்ந்தவா் பிச்சை (55). இவா் மேலக்கால் கிராமப் பணியாளராகப் பணிபுரிந்து வந்தாா்.

இந்த நிலையில், வியாழக்கிழமை மாலை வீட்டின் அருகே உள்ள வாழைத்தோப்புக்கு பிச்சை சென்றாா். அப்போது, அங்கு அறுந்து கிடந்த மின் வயரைக் கவனிக்காமல் அவா் அதை மிதித்தாா். இதில் மின்சாரம் பாய்ந்ததில் அவா் சம்பவ இடத்திலேயே உயிரிழந்தாா்.

இதுகுறித்து சோழவந்தான் போலீஸாா் வழக்குப் பதிவு செய்து விசாரித்து வருகின்றனா்.