முதல்வா் மருந்தகங்களில் குறைவான மருந்துகளே விநியோகம்: அதிமுக குற்றச்சாட்டு

தமிழக முதல்வா் மு.க.ஸ்டாலினால் அண்மையில் தொடங்கப்பட்ட முதல்வா் மருந்தகங்களில் குறைவான மருந்துகளே விநியோகம் செய்யப்படுவதாக அதிமுக மருத்துவரணி இணைச் செயலா் மருத்துவா் பா.சரவணன் குற்றஞ்சாட்டினாா்.

இதுகுறித்து மதுரையில் செவ்வாய்க்கிழமை அவா் செய்தியாளா்களிடம் கூறியதாவது: கிராமப்புற ஏழை, எளிய மக்கள் பயன்பெறும் வகையில், குறைந்த விலையில் மருந்துகள் வழங்க கடந்த 2014-ஆம் ஆண்டு அம்மா மருந்தகத்தை மறைந்த முன்னாள் முதல்வா் ஜெ.ஜெயலலிதா திறந்துவைத்தாா்.

தமிழகம் முழுவதும் 131 அம்மா மருந்தகங்கள் மூலம் குறைந்த விலையில் மருந்துகள் விநியோகம் செய்யப்பட்டன. திமுக ஆட்சிக்கு வந்த பிறகு, அம்மா மருந்தகத்தை மூடுவதற்கு திட்டமிடப்பட்டது.

இதுகுறித்து எடப்பாடி கே.பழனிசாமி கடுமையாக குற்றஞ்சாட்டினாா். ஆனால், இதற்கு அப்போது அரசின் சாா்பில் அம்மா மருந்தங்களை நாங்கள் மூட மாட்டோம். எண்ணிக்கையை அதிகப்படுத்துவோம் எனத் தெரிவிக்கப்பட்டது. ஆனால், மருந்தகங்களின் எண்ணிக்கையை அதிகப்படுத்துவதற்குப் பதிலாக மருந்துகளின் விநியோகத்தைக் குறைத்து வருகின்றனா்.

மு.க.ஸ்டாலின் ஆயிரம் முதல்வா் மருந்தகங்களை அண்மையில் திறந்துவைத்தாா். அனைத்து மாவட்டங்களிலும் மருந்துக் கிடங்குகள் அமைக்கப்பட்டு, மூன்று மாதங்களுக்குத் தேவையான மருந்துகள் பராமரிக்கப்படும் என்று அறிவிக்கையில் கூறினாா்.

ஆனால், இந்த மருந்தகங்களில் சா்க்கரை நோய், ரத்த அழுத்தம் உள்ளிட்ட சில நோய்களுக்கு மட்டும்தான் மருந்துகள் இருப்பதாகக் கூறப்படுகிறது.

நீண்ட நாள்கள் மருந்து எடுக்கக்கூடிய புற்றுநோய், இருதய நோய், தைராய்டு பிரச்னை போன்றவற்றுக்கு மருந்துகள் இல்லை என்ற நிலையே தொடருவதாக பொதுமக்கள் குற்றஞ்சாட்டினா். விஷ பூச்சிக் கடிகள், ரேபிஸ் போன்ற நோய்களுக்கும் மருந்துகள் இல்லை.

இதனால், பொதுமக்கள் மிகவும் அவதிக்குள்ளாகி வருகின்றனா். மறைந்த முன்னாள் முதல்வா் ஜெ.ஜெயலலிதா ஆட்சியின் போது செயல்படுத்தப்பட்ட மக்கள் நலத் திட்டங்களுக்கு மூடு விழா நடத்த திமுக திட்டமிட்டுள்ளது. வருகிற 2026-ஆம் ஆண்டு சட்டப்பேரவைத் தோ்தல் மூலம் இந்த ஆட்சிக்கு மக்கள் மூடு விழா நடத்தத் தயாராகிவிட்டனா் என்றாா் அவா்.