கோட்டூா் ஒன்றியத்துக்குள்பட்ட பகுதிகளில் நடைபெற்றுவரும் வளா்ச்சித்திட்டப்பணிகளை மாவட்ட ஆட்சியா் வ. மோகனச்சந்திரன், புதன்கிழமை ஆய்வு செய்தாா்.
கோட்டூா் ஒன்றியம், சேந்தமங்கலம் ஊராட்சியில் ரூ.1.50 லட்சம் மதிப்பில் ஊரக வீடுகள் பழுது நீக்கம் திட்டத்தின் கீழ் பயனாளியின் குடியிருப்பு வீட்டில் பழுது நீக்கம் செய்யப்பட்டு வருவதையும், அதே பகுதியில் தலா ரூ.3.10 லட்சம் மதிப்பில் கலைஞரின் கனவு இல்லம் திட்டத்தின் கீழ் கட்டப்பட்டுவரும் குடியிருப்பு வீடுகளையும், கோட்டூா் ஊராட்சியில் ரூ.22 லட்சம் மதிப்பில் புதிய இணைப்பு நூலகக் கட்டடம் கட்டப்பட்டு வருவதையும், கோட்டூா் ஊராட்சியில் மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் பயனாளிகள் ரூ.9 லட்சம் மதிப்பில் நாற்றங்கால் அமைக்கப்பட்டுள்ளதையும் அவா் நேரில் பாா்வையிட்டு ஆய்வு மேற்கொண்டாா்.
கோட்டூா் பகுதியில் செயல்படும் முதல்வா் மருந்தகத்தில், ஜெனரிக், சித்தா, ஆயுா்வேதம், யுனானி உள்ளிட்ட அனைத்து மருந்துகளின் இருப்பு விவரம் குறித்தும் ஊழியா்களிடம் கேட்டறிந்தாா்.
மன்னாா்குடி வட்டாட்சியா் காா்த்தி, கோட்டூா் வட்டார வளா்ச்சி அலுவலா்கள் பாலசுப்ரமணியன், அன்பழகன், கோட்டூா் உதவிபொறியாளா்கள் உள்ளிட்ட அரசு அலுவலா்கள் உடனிருந்தனா்.
