நட்சத்திர பலன்கள்: ஏப்ரல் 4 முதல் ஏப்ரல் 10 வரை #VikatanPhotoCards
இருசக்கர வாகனங்கள் மோதல்: தனியாா் நிறுவன ஊழியா் உயிரிழப்பு
நீடாமங்கலம் அருகேயுள்ள பெரம்பூா் பாரதிதாசன் தெருவைச் சோ்ந்தவா் சிவானந்தம் மகன் விஜயக்குமாா் (36). சென்னையில் உள்ள தனியாா் நிறுவனத்தில் வேலை பாா்த்து வந்தாா்.
விடுமுறையில் பெரம்பூா் வந்திருந்த இவா், புதன்கிழமை இருசக்கர வாகனத்தில் மன்னாா்குடி சென்றுவிட்டு வீட்டுக்கு திரும்பிக்கொண்டிருந்தாா். ராயபுரம் பாலம் அருகே வந்தபோது எதிரே வந்த மோட்டாா் சைக்கிளும் விஜயகுமாரின் மோட்டாா் சைக்கிளும் நேருக்கு நோ் மோதிக்கொண்டன. இதில் பலத்த காயமடைந்த விஜயகுமாா் சம்பவ இடத்திலேயே உயிரிழந்தாா். மற்றொரு மோட்டாா் சைக்கிளில் வந்த சந்தோஷ்குமாா் பலத்த காயங்களுடன் திருவாரூா் மருத்துவக் கல்லூரி மருத்துவமனையில் அனுமதிக்கப்பட்டுள்ளாா். நீடாமங்கலம் போலீஸாா் விசாரித்து வருகின்றனா்.