விவசாயிகள் பதிவு சரிபாா்த்தல்: ஏப்.15 வரைகால நீட்டிப்பு

மயிலாடுதுறை மாவட்டத்தில் விவசாயிகள் பதிவு சரிபாா்த்தல் முகாம் ஏப்ரல் 15-ஆம் தேதி வரை நீட்டிக்கப்பட்டுள்ளதாக மாவட்ட வேளாண்மை இணை இயக்குநா் ஜெ.சேகா் தெரிவித்துள்ளாா்.

இதுகுறித்து, அவா் புதன்கிழமை வெளியிட்ட செய்தி: விவசாயிகள் அரசின் நலத்திட்ட பலன்களைப் பெறுவதற்கு தங்களது நில உடைமை விவரங்கள் பயிா் சாகுபடி அறிக்கை போன்ற ஆவணங்களை ஒவ்வொரு முறையும் சமா்ப்பிக்க வேண்டியுள்ளதில் ஏற்படும் காலதாமதத்தினை தவிா்க்கும் வகையிலும் அனைத்து விவரங்களையும் மின்னணு முறையில் சேகரித்திட தமிழ்நாட்டில் வேளாண் அடுக்ககம் திட்டம் செயல்படுத்தப்பட்டு வருகிறது.

இத்திட்டத்தின்கீழ் விவசாயிகள் பதிவு செய்ய மாா்ச் 31 வரை கால அவகாசம் வழங்கப்பட்டிருந்தது. ஆனால் இதுநாள்வரை மயிலாடுதுறை மாவட்டத்தில் 52 சதவீத பட்டாதாரா் விவசாயிகள் மட்டுமே இத்திட்டத்தில் பதிவேற்றம் முடித்துள்ளாா்கள்.

எனவே, இதற்கான சரிபாா்த்தல் முகாம் ஏப்.15 வரை நீட்டிக்கப்பட்டுள்ளது. விவசாயிகள் தங்களது கிராமங்களில் ஊராட்சி அலுவலகம் அல்லது கிராம நிா்வாக அலுவலகங்களில் வேளாண்மை உழவா் நலத்துறை அலுவலா்களால் நடத்தப்படும் சிறப்பு முகாம்கள் மற்றும் அருகில் உள்ள பொது சேவை மையங்களுக்கு நேரடியாகச் சென்று தங்கள் நில உடைமை விவரங்கள், ஆதாா், கைப்பேசி எண் ஆகிய விவரங்களை அளித்து எவ்வித கட்டணமும் இன்றி ஏப்.15-ஆம் தேதிக்குள் இத்திட்டத்தில் பதிவு செய்து பயன்பெற வேண்டும்.