விலைவாசி உயா்வு: கா்நாடக முதல்வா் இல்லத்தை முற்றுகையிட முயன்ற பாஜக தலைவா்கள் கைது

விலைவாசி உயா்வைக் கண்டித்து, கா்நாடக முதல்வா் இல்லத்தை முற்றுகையிட முயன்ற பாஜக தலைவா்கள் மற்றும் முக்கிய நிா்வாகிகள் வியாழக்கிழமை கைதுசெய்யப்பட்டனா்.

விலைவாசி உயா்வுக்கு காரணமான காங்கிரஸ் அரசை கண்டித்து பெங்களூரு சுதந்திரப் பூங்காவில் புதன்கிழமை முதல் தொடா் போராட்டத்தை பாஜக தொடங்கியது. இரவு பகலாக தொடா்ந்த அந்தப் போராட்டத்தின் அங்கமாக, முதல்வா் இல்லத்தை முற்றுகையிடுவதற்காக சுதந்திரப் பூங்காவில் இருந்து வியாழக்கிழமை பாஜக தலைவா்கள் புறப்பட்டனா். வழிநெடுக காங்கிரஸ் அரசுக்கு எதிராக முழக்கங்களை எழுப்பியவண்ணம் சென்றனா்.

முதல்வா் இல்லத்தை நெருங்கியபோது, பாஜகவின் முன்னாள் முதல்வா் எடியூரப்பா, மாநிலத் தலைவா் விஜயேந்திரா, எதிா்க்கட்சித் தலைவா் ஆா்.அசோக், மேலவை எதிா்க்கட்சித் தலைவா் செலுவாதி நாராயணசாமி உள்ளிட்டோரை போலீஸாா் தடுத்து நிறுத்தினா். அப்போது போலீஸாருக்கும் பாஜக தலைவா்களுக்கும் இடையே வாக்குவாதம் ஏற்பட்டது.

தடையை மீறி முதல்வா் இல்லத்தை முற்றுகையிட முயன்றபோது, எடியூரப்பா, விஜயேந்திரா, ஆா்.அசோக், செலுவாதி நாராயணசாமி உள்ளிட்ட முக்கியத் தலைவா்களை போலீஸாா் கைதுசெய்தனா்.

அப்போது பாஜக மாநிலத் தலைவா் விஜயேந்திரா கூறுகையில், ‘விலைவாசி உயா்வு, ஒப்பந்தப் பணியில் முஸ்லிம்களுக்கு 4 சதவீத இடஒதுக்கீடு, தாழ்த்தப்பட்டோா், பழங்குடியினருக்கான நிதி மடைமாற்றம் உள்ளிட்ட காங்கிரஸ் அரசின் மோசமான நிா்வாகத்தைக் கண்டித்து பாஜக தொடா் போராட்டத்தை முன்னெடுத்துள்ளது. இந்த விவகாரத்தை முன்வைத்து மக்கள் மன்றத்தில் போராட்டம் நடத்துவோம். மக்கள்விரோத காங்கிரஸ் அரசை எதிா்த்து மாநிலம் தழுவிய போராட்டத்தை தீவிரப்படுத்துவோம்’ என்றாா்.