மாற்றுநில முறைகேடு வழக்கு: லோக் ஆயுக்த அறிக்கையை எதிா்த்து அமலாக்கத் துறை மேல்முறையீடு

மாற்றுநில முறைகேடு வழக்கில், லோக் ஆயுக்த அறிக்கையை எதிா்த்து சிறப்பு நீதிமன்றத்தில் அமலாக்கத் துறை மேல்முறையீடு செய்துள்ளது.

கா்நாடக முதல்வா் சித்தராமையாவின் மனைவி பாா்வதிக்கு மைசூரு நகா்ப்புற வளா்ச்சி ஆணையம் மாற்றுநிலம் ஒதுக்கியதில் முறைகேடு நடந்திருப்பதாக சமூக ஆா்வலா் ஸ்நேகமயி கிருஷ்ணா அளித்த புகாரின்பேரில், 2024 செப். 27-ஆம் தேதி வழக்குப் பதிவு செய்து விசாரித்து வந்த லோக் ஆயுக்த, 11 ஆயிரம் பக்கங்கள் கொண்ட இறுதி விசாரணை அறிக்கையை பெங்களூரில் உள்ள மக்கள் பிரதிநிதிகளுக்கான சிறப்பு நீதிமன்றத்தில் பிப். 20-ஆம் தேதி தாக்கல் செய்திருந்தது.

அந்த அறிக்கையில், மாற்றுநில முறைகேடு வழக்கு தொடா்பாக நடத்திய விசாரணையில் ஆதாரங்கள் எதுவும் இல்லாததால், முதல்வா் சித்தராமையா, அவரது மனைவி பாா்வதி, அவரது அண்ணன் மல்லிகாா்ஜுன சுவாமி, நில உரிமையாளா் தேவராஜ் ஆகியோா் மீதான குற்றச்சாட்டுகள் நிரூபிக்கப்படவில்லை. இந்த வழக்கு நடவடிக்கை எடுப்பதற்கு உகந்தது அல்ல என்று குறிப்பிடப்பட்டுள்ளது.

இந்த அறிக்கையை மக்கள் பிரதிநிதிகளுக்கான சிறப்பு நீதிமன்றம், கா்நாடக உயா்நீதிமன்றத்தில் ஏற்கெனவே லோக் ஆயுக்த தாக்கல் செய்தது.

இந்நிலையில், முதல்வா் சித்தராமையா மீதான குற்றச்சாட்டுகளுக்கு ஆதாரங்கள் எதுவும் இல்லை என லோக் ஆயுக்த தாக்கல் செய்திருந்த விசாரணை அறிக்கையை ரத்துசெய்யக் கோரி மக்கள் பிரதிநிதிகளுக்கான சிறப்பு நீதிமன்றத்தில் செவ்வாய்க்கிழமை அமலாக்கத் துறை மேல்முறையீடு மனு தாக்கல் செய்துள்ளது. அதில், பணப்பதுக்கல் தடுப்புச் சட்டத்தின்கீழ் இதுகுறித்து கேள்வி எழுப்பும் அதிகாரம் இருப்பதால், லோக் ஆயுக்த தாக்கல் செய்துள்ள அறிக்கையை ரத்துசெய்யும்படி அமலாக்கத் துறை கேட்டுக்கொண்டுள்ளது.

இந்த மனுவை சிறப்பு நீதிமன்றம் புதன்கிழமை விசாரணைக்கு எடுத்துக்கொண்டது.