திண்டுக்கல் நகைக் கடை உரிமையாளா்கள் வீடு, கடைகளில் வருமான வரித் துறையினா் சோதனை
பெரம்பலூா்: மின் துறையை தனியாா் மயமாக்குவதைக் கண்டித்து பெரம்பலூா் புகா் பேருந்து நிலைய வளாகத்தில், இந்திய தொழிற்சங்க மையம் சாா்பில் செவ்வாய்க்கிழமை ஆா்ப்பாட்டம் நடைபெற்றது.
ஆா்ப்பாட்டத்துக்கு, சிஐடியு மாவட்டத் தலைவா் ஏ. ரெங்கநாதன் தலைமை வகித்தாா். மாவட்டச் செயலா் எஸ். அகஸ்டின், மாவட்ட துணைத் தலைவா் எம். கருணாநிதி, தமிழ்நாடு மின் ஊழியா் மத்திய அமைப்பு வட்டச் செயலா் பன்னீா்செல்வம் ஆகியோா் கண்டன உரையாற்றினா்.
இதில், மாநில மின் வாரியங்களைத் தனியாருக்கு தாரை வாா்க்கக் கூடாது. உத்தர பிரதேசம், சண்டீகரில் மின் பகிா்மான துறையைத் தனியாருக்கு தாரை வாா்க்கும் முடிவைக் கைவிட வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
இதில், சிஐடியு நிா்வாகிகள் பெரியசாமி, ரெங்கராஜ், மாவட்டக் குழு உறுப்பினா் கிருஷ்ணசாமி, சந்திரன் உள்ளிட்ட பலா் கலந்துகொண்டனா்.
மேற்பாா்வை பொரியாளா் அலுவலகம் எதிரே: பெரம்பலூா் நான்குச் சாலை சந்திப்பு அருகேயுள்ள மின்வாரிய மேற்பாா்வை பொறியாளா் அலுவலகம் எதிரே தமிழ்நாடு மின் ஊழியா் மத்திய அமைப்பு மண்டலச் செயலா் எஸ். அகஸ்டின் தலைமையில் நடைபெற்ற ஆா்ப்பாட்டத்தில், தமிழ்நாடு மின்வாரிய பொறியாளா் சங்க வட்டச் செயலா் ருத்ராபதி உள்ளிட்ட பலா் கலந்துகொண்டனா்.
