பெரம்பலூா் நகரில் 3 கடைகளின் பூட்டுகளை உடைத்து, ரூ. 2.50 லட்சம் மதிப்பிலான பொருள்களையும், ரூ. 27 ஆயிரம் ரொக்கத்தையும் மா்ம நபா்கள் திருடிச்சென்றது வியாழக்கிழமை காலையில் தெரியவந்தது.
பெரம்பலூா் மாவட்டம், பேரளி கிராமத்தைச் சோ்ந்தவா் பெரியசாமி மகன் சுரேஷ் (34). இவா், பெரம்பலூா் - துறையூா் சாலையிலுள்ள கல்யாண் நகரில் ஏ.சி, பிரிட்ஜ், சுத்திகரிக்ப்படும் குடிநீா் இயந்திரங்கள் விற்பனை மற்றும் பழுது நீக்கும் கடை வைத்துள்ளாா். புதன்கிழமை இரவு கடையைப் பூட்டிவிட்டு வீட்டுக்குச் சென்றுள்ளாா். இந்நிலையில் வியாழக்கிழமை காலை சென்று பாா்த்தபோது, கடையின் பூட்டை உடைத்த மா்ம நபா்கள், உள்ளே இருந்த ரூ. 27 ஆயிரத்தை திருடிச்சென்றிருப்பது தெரியவந்தது.
அதே பகுதியில், பெரம்பலூா் புதிய மதனகோபாலபுரத்தைச் சோ்ந்த ராஜசேகரன் மகன் யோகேஷ் சா்மா (30) என்பவரின் எலக்ட்ரானிக்ஸ் கடையின் பூட்டை உடைத்து உள்ளே இருந்த ரூ. 25 ஆயிரம் மதிப்பிலான தொலைக்காட்சிப் பெட்டியை மா்ம நபா்கள் திருடிச்சென்றது வியாழக்கிழமை காலையில் தெரியவந்தது.
பெரம்பலூா் அருகேயுள்ள புதுநடுவலூா் கிராமத்தைச் சோ்ந்த நல்லையா மகன் சக்தி (28). இவா், மேற்கண்ட பகுதியில் வைத்துள்ள ஸ்டுடியோவை உடைத்து, உள்ளே சென்ற மா்ம நபா்கள் 2 கேமரா உள்பட ரூ. 2.25 லட்சம் மதிப்பிலான பொருள்களை திருடிச்சென்றது வியாழக்கிழமை காலையில் தெரியவந்தது. தகவலறிந்த பெரம்பலூா் போலீஸாா் சம்பவ இடங்களுக்குச் சென்று பாா்வையிட்டனா். மேலும், தடயவியல் மற்றும் கைரேகை நிபுணா்கள், அங்கு பதிவாயிருந்த தடயங்களைப் பதிவு செய்தனா்.
இதுகுறித்து சுரேஷ், சா்மா, சக்தி ஆகியோா் அளித்த புகாரின்பேரில், பெரம்பலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.
