திமுக கூட்டணியிலிருந்து சிபிஎம் வெளியேற வேண்டும்

தமிழகத்தில் அவசர நிலை பிரகடனம் செய்யப்பட்டுள்ளதுபோல் உள்ளதாக கூறும் மாா்க்சிஸ்ட் கம்யூனிஸ்ட் கட்சி, திமுக கூட்டணியில் இருந்து வெளியேற வேண்டும் என பாஜக மாநில பொருளாளா் எஸ்.ஆா். சேகா் கூறினாா்.

மயிலாடுதுறையில் பாஜக மாவட்டத் தலைவா் தோ்வு குறித்த கருத்துக் கேட்பு கூட்டம் ஞாயிற்றுக்கிழமை நடைபெற்றது. அக்கட்சியின் தேசிய பொதுக் குழு உறுப்பினா் தங்க.வரதராஜன் தலைமை வகித்தாா். மாவட்ட பாா்வையாளா் பி.எல். அண்ணாமலை, தோ்தல் பாா்வையாளா் பேட்டை சிவா ஆகியோா் முன்னிலை வகித்தனா். பாஜக மாநில பொருளாளரும், மாநிலத் தோ்தல் பாா்வையாளருமான எஸ்.ஆா். சேகா் கலந்துகொண்டு தோ்தலை நடத்தினாா்.

இத்தோ்தலில், முன்னாள் பாஜக மாவட்டத் தலைவா் க. அகோரம், மாவட்ட பொதுச் செயலாளா் நாஞ்சில் பாலு, மாவட்ட துணைத் தலைவா் மோடி.கண்ணன், மாவட்டச் செயலாளா் எஸ்.ஆா். வினோத் மற்றும் மாநில பிற்படுத்தப்பட்டோா் அணி இணைச் செயலாளா் எஸ். ராஜ்மோகன் உள்ளிட்ட 13 போ் மாவட்டத் தலைவா் பொறுப்புக்கு போட்டியிட்டனா்.

இத்தோ்தலில் கட்சி நிா்வாகிகள் 55 போ் வாக்களித்தனா். வாக்குப் பதிவு நிறைவடைந்ததும், கட்சியின் மாநிலத் தலைமையகமான சென்னை கமலாலயத்துக்கு வாக்குப்பெட்டி கொண்டு செல்லப்பட்டது.

பின்னா், செய்தியாளா்களிடம் பாஜக மாநில பொருளாளா் எஸ்.ஆா். சேகா் கூறியது:

தமிழகத்தில் அனைத்து மாவட்டங்களிலும் நடத்தப்பட்ட பாஜக மாவட்டத் தலைவா் தோ்தலுக்கான கருத்துக்கேட்பு கூட்டம் 6-ஆம் தேதியுடன் முடிவடைகிறது. ஜன.15-ஆம் தேதியில் இருந்து 20-ஆம் தேதிக்குள் பாஜக மாநிலத் தலைவா் தோ்தல் நடத்தப்பட உள்ளது.

தமிழகத்தில் அவசர நிலை பிரகடனமா என மாா்க்சிஸ்ட் கம்யூனிஸ்ட் கட்சியின் மாநிலச் செயலாளா் கே. பாலகிருஷ்ணன் பேசியிருக்கிறாா். எனவே அக்கட்சி திமுக கூட்டணியிலிருந்து வெளியேற வேண்டும். பாஜக கூட்டணிக்கு யாா் வந்தாலும் வரவேற்போம். அதேசமயம், யாரையும் நாங்களாக சென்ற அழைக்க மாட்டோம்.

அண்ணா பல்கலைக்கழக மாணவி பாலியல் வழக்கில் ஏதோ ரகசியம் உள்ளது. இதில் ஆளும்கட்சியை சாா்ந்தவா்கள் சம்பந்தப்பட்டிருக்கலாம் எனக் கூறப்படுகிறது என்றாா்.

பேட்டியின்போது, தேசிய பொதுக்குழு உறுப்பினா் தங்க.வரதராஜன், மாநில செயற்குழு உறுப்பினா் கோவி.சேதுராமன் உள்ளிட்டோா் உடனிருந்தனா்.