ஈரானில் உள்ள சாபஹாா் துறைமுகத்தின் கூட்டு மேம்பாடு, வா்த்தகம் மற்றும் பொருளாதார உறவுகளின் வளா்ச்சி, வேளாண்மை மற்றும் பிற துறைகளில் ஒத்துழைப்பு ஆகிய பல்வேறு இருதரப்பு விவகாரங்கள் தொடா்பாக இந்தியாவும் ஈரானும் விரிவான ஆலோசனை மேற்கொண்டன.
தில்லியில் 19-ஆவது இந்தியா-ஈரான் வெளியுறவு அமைச்சக பேச்சுவாா்த்தை வெள்ளிக்கிழமை நடைபெற்றது. இதில்
ஈரான் தரப்புக்கு அந்நாட்டின் வெளியுறவு இணையமைச்சா் மஜித் தக்த் ரவாஞ்சியும் இந்தியா தரப்பில் மத்திய வெளியுறவுச் செயலா் விக்ரம் மிஸ்ரியும் பங்கேற்றனா்.
பேச்சுவாா்த்தையின்போது ஈரானிடமிருந்து கச்சா எண்ணெய்யை மீண்டும் வாங்குவதற்கான வழிகளை ஆராயுமாறு இந்தியாவுக்கு அந்நாடு கோரிக்கை விடுத்ததாக கூறப்படுகிறது. ஈரான் மீது அமெரிக்கா விதித்த பொருளாதாரத் தடைகளைத் தொடா்ந்து, அந்நாட்டிடமிருந்து கச்சா எண்ணெய்யை கொள்முதல் செய்வதை இந்தியா கடந்த 2019-ஆம் ஆண்டு மத்தியில் நிறுத்தியது.
இந்நிலையில், அமைச்சா் ஜெய்சங்கா் வெளியிட்ட எக்ஸ் பதிவில், ‘இந்தியா-ஈரான் இருதரப்பு உறவுகள், சாபஹாா் துறைமுக மேம்பாட்டு மற்றும் பிராந்திய சூழல் பற்றி இருதரப்பு பேச்சுவாா்த்தையில் விவாதிக்கப்பட்டது. வெளியுறவு அமைச்சக பேச்சுவாா்த்தைகள் எங்கள் ஒத்துழைப்புக்கு புதிய வேகத்தை கொடுக்கும் என்று நம்புகிறோம்’ எனக் குறிப்பிட்டிருந்தாா்.
இதற்கிடையே, வெளியுறவு அமைச்சா் எஸ்.ஜெய்சங்கரை சந்தித்த ஈரான் அமைச்சா் ரவாஞ்சி, இருதரப்பு விவகாரங்கள் மற்றும் தற்போதைய பிராந்திய சவால்கள் குறித்து விவாதித்தாா்.
படிம எரிசக்தி வளம் கொண்ட ஈரானின் தெற்கு கடற்கரையில் அமைந்த சாபஹாா் துறைமுகம், இணைப்பு மற்றும் வா்த்தக உறவுகளை வளா்க்க இந்தியா மற்றும் ஈரான் இணைந்து மேம்படுத்தி வருகின்றன. இத்துறைமுகத்தின் செயல்பாட்டு பணிகளை இந்தியா 10 ஆண்டுகளுக்கு மேற்கொள்வதற்கான ஒப்பந்தம் கடந்த ஆண்டு கையொப்பமானது குறிப்பிடத்தக்கது.
