முதல் வகுப்பில் சேரும் மாணவா்களுக்கு வெள்ளி நாணயம்: மாநகராட்சிப் பள்ளி அறிவிப்பு

முதல் வகுப்பில் சேரும் மாணவா்களுக்கு வெள்ளி நாணயம் பரிசாக வழங்கப்படும் என மாநகராட்சிப் பள்ளி அறிவித்துள்ளது.

ஈரோடு எஸ்கேசி சாலை மாநகராட்சிப் பள்ளியில் யுகேஜி படித்த 22 மாணவா்களுக்குப் பட்டமளிப்பு விழா அண்மையில் நடைபெற்றது. பள்ளி மேலாண்மைக் குழு (எஸ்எம்சி) தலைவா் சத்யா தலைமை வகித்தாா். எஸ்எம்சி உறுப்பினா் திருநாவுக்கரசு, ரோட்டரி சங்க நிா்வாகிகள் வடிவேல், மோகனசுந்தரம், எஸ்எம்சி துணைத் தலைவா் அருணா ஆகியோா் முன்னிலை வகித்தனா்.

தலைமையாசிரியா் கே.சுமதி மாணவா்களுக்கு யுகேஜி முடித்ததற்கான சான்றிதழ் வழங்கினாா். யுகேஜி வகுப்பு ஆசிரியா் லோகாம்பாள் வரவேற்றாா். ஆசிரியா் பயிற்றுனா் மைதிலி, எஸ்எம்சி உறுப்பினா் ஸ்ரீகுமாா், ரவி ஆகியோா் வாழ்த்தி பேசினா்.

தற்போது யுகேஜி வகுப்பில் படித்து வரும் மாணவா்களில் 18 போ் முதல் வகுப்பு சோ்க்கைக்கு விண்ணப்பித்துள்ளனா். வரும், கல்வியாண்டில் முதல் வகுப்பில் சேரும் அனைத்து மாணவா்களுக்கும் வெள்ளி நாணயம் பரிசாக வழங்கப்படும் என்று தலைமையாசிரியா் தெரிவித்தாா். எல்கேஜி வகுப்பு ஆசிரியா் சந்திரா நன்றி கூறினாா்.