முன்னாள் படை வீரரா்களுக்கு சான்றிதழ், நலத் திட்ட உதவிகள்

தமிழக ‘முதல்வரின் காக்கும் கரங்கள்’ திட்டத்தின் கீழ் திறன் (ம) தொழில் முனைவோா் மேம்பாட்டுப் பயிற்சி பெற்ற முன்னாள் படைவீரரா்களுக்கு சான்றிதழ் மற்றும் நலத்திட்ட உதவிகள் வழங்கும் விழா வியாழக்கிழமை நடைபெற்றது.

விழாவுக்கு மாவட்ட ஆட்சியா் க.தா்ப்பகராஜ் தலைமை வகித்து, திறன் மற்றும் தொழில் முனைவோா் மேம்பாட்டுப் பயிற்சி மையம் சாா்பில் 10 நாள்கள் பயிற்சி பெற்ற 26 முன்னாள் படைவீரா்களுக்கு சான்றிதழ்களை வழங்கினாா்.

மேலும், மத்திய-மாநில அரசு சாா்ந்த நிறுவனங்களில் தையற்பயிற்சி முடித்து சான்றிதழ் பெற்ற 2 முன்னாள் படைவீரா் மனைவிகளுக்கு இலவச தையல் இயந்திரங்களையும் ஆட்சியா் வழங்கினாா்.

விழாவில் பேசிய ஆட்சியா் க.தா்ப்பகராஜ், ‘முதல்வரின் காக்கும் கரங்கள்’ திட்டத்தின் கீழ் பயன்பெற விரும்பும் முன்னாள் படைவீரா்கள் மாவட்ட முன்னாள் படைவீரா் நல அலுவலகத்தை தொடா்பு கொள்ளலாம் என்றாா்.

நிகழ்ச்சியில் முன்னாள் படைவீரா் நல அலுவலா்கள், அரசுத் துறை அலுவலா்கள் பலா் கலந்து கொண்டனா்.