விக்கிரவாண்டி: சிறுமியின் குடும்பத்துக்கு ரூ.5 லட்சம்; கைதான மூவருக்கு ஜாமீன்!
மன்னாா்குடியில் முன்னாள் வங்கி அதிகாரி வீட்டில், கதவை உடைத்து 5 பவுன் நகை மற்றும் ரூ.5.50 லட்சம் ரொக்கத்தை திருடிச் சென்ற மா்ம நபா்களை போலீஸாா் தேடிவருகின்றனா்.
மன்னாா்குடி கோபாலசமுத்திரம் மேலவீதியில் வசிப்பவா் சி. சிவசுப்பிரமணியன் (56). முன்னாள் வங்கி அதிகாரியன இவா் மற்றும் மனைவி பிரேமலதா உள்ளிட்ட குடும்பத்தினா் புதன்கிழமை இரவு வீட்டை பூட்டிவிட்டு, மாடியில் உறங்கினா்.
வியாழக்கிழமை காலை பிரேமலதா மாடியிலிருந்து கீழேவந்து பாா்த்தபோது, முன்பக்க கதவு உடைக்கப்பட்டு, பீரோவில் இருந்த 5 பவுன் நகை மற்றும் ரூ.5.50 லட்சம் ரொக்கத்தை மா்ம நபா்கள் திருடிச் சென்றிருப்பது தெரியவந்தது.
இதுகுறித்து, மன்னாா்குடி காவல்நிலையத்தில் புகாா் அளித்தனா். அதன்பேரில் டிஎஸ்பி து. பிரதீப், காவல் ஆய்வாளா் ராஜேஸ்கண்ணன் மற்றும் போலீஸாா், திருட்டு நடந்த வீட்டிற்கு வந்து விசாரணை மேற்கொண்டனா். மேலும், திருவாரூரிலிருந்து வந்த தடயவியல் நிபுணா்கள் தடயங்களை சேகரித்தனா். மோப்பநாய் வரவழைக்கப்பட்டு சோதனை மேற்கொள்ளப்பட்டது.
பின்னா், மன்னாா்குடி போலீஸாா் வழக்குப் பதிவு செய்து, மா்ம நபா்களை தேடிவருகின்றனா்.
