Ilaiyaraaja: "கலையும்,இசையும் இல்லையென்றால் இந்தியர்களுக்கு வாழ்க்கையே இல்லை"- இளையராஜா

சென்னை ஐஐடியில் நிகழ்ச்சி ஒன்றில் கலந்துகொண்டு இளையராஜா பேசியிருக்கிறார்.

சென்னை ஐஐடியில் நேற்று ( ஜனவரி 9) கலாசார நிகழ்ச்சி நடைபெற்றது. ஆளுநர் ஆர்.என் ரவி பங்கேற்றிருந்த இந்நிகழ்ச்சியில் இளையராஜாவும் பங்கேற்றிருந்தார். அங்கு பாரம்பரிய கலை நிகழ்ச்சிகள் நடைபெற்று இருக்கிறது. இதனைத்தொடர்ந்து விழா மேடையில் பேசிய இளையராஜா, "ஐஐடியில் இதுபோன்ற ஒரு நிகழ்ச்சியில் கலந்துகொள்வது மிகச்சிறந்த விஷயம்.

இசை உலகமெல்லாம் பரவி உள்ளது. இதயத்தில் இருந்து வருவது இசை. இசைக்கு மதம், மொழி கிடையாது. இந்தியாவில் சுதந்திர வேட்கையை ஊட்டியது இசைதான். கலையும், இசையும் இல்லையென்றால் இந்தியர்களுக்கு வாழ்க்கையே இல்லை" என்று நெகிழ்வாகப் பேசியிருக்கிறார். இதன்பின் பாரதியாரின் பாடல் ஒன்றை மாணவர்கள் மத்தியில் பாடி இருக்கிறார். இளையராஜாவின் குரலைக் கேட்டு மாணவர்கள் உற்சாகம் அடைந்திருகின்றனர்.