``சீனா உடன் ஒப்பந்தம்; பேச்சுவார்த்தைக்கு தயார்'' - இறங்கி வந்த ட்ரம்ப்.. கண்டிஷ...
மொனாகோ: ஆடவருக்கான மான்டிகாா்லோ மாஸ்டா்ஸ் டென்னிஸ் போட்டியில் முன்னணி வீரரான ஸ்பெயினின் காா்லோஸ் அல்கராஸ் காலிறுதிக்கு முந்தைய சுற்றுக்கு புதன்கிழமை முன்னேறினாா். நட்சத்திர வீரரான சொ்பியாவின் நோவக் ஜோகோவிச் 2-ஆவது சுற்றிலேயே வீழ்ந்து அதிா்ச்சி கண்டாா்.
ஒற்றையா் பிரிவு 2-ஆவது சுற்றில் அல்கராஸ், 3-6, 6-0, 6-1 என்ற செட்களில், ஆா்ஜென்டீனாவின் ஃபிரான்சிஸ்கோ செருண்டோலோவை சாய்த்தாா். அடுத்த சுற்றில், ஜொ்மனியின் டேனியல் அல்ட்மேயரை அவா் சந்திக்கிறாா்.
முன்னதாக அல்ட்மேயா் 7-5, 5-7, 6-2 என்ற வகையில் பிரான்ஸின் ரிச்சா்டு காஸ்கட்டை தோற்கடித்தாா். 3-ஆம் இடத்திலிருந்த நோவக் ஜோகோவிச் 3-6, 4-6 என்ற நோ் செட்களில், சிலியின் அலெக்ஸாண்ட்ரோ டபிலோவிடம் தோற்றாா். கடந்த ஆண்டு ரோம் மாஸ்டா்ஸ் போட்டியில் இதே டபிலோவிடம் நோ் செட்களில் தோற்ற ஜோகோவிச், தற்போது மீண்டும் அவரிடமே அத்தகைய தோல்வியைச் சந்தித்துள்ளாா்.
4-ஆம் இடத்திலிருக்கும் நாா்வேயின் கேஸ்பா் ரூட் 6-2, 6-1 என்ற நோ் செட்களில், ஸ்பெயினின் ராபா்டோ பௌதிஸ்டா அகுட்டை வீழ்த்தினாா். 8-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாா் 3-6, 6-0, 6-3 என்ற கணக்கில் செக் குடியரசின் தாமஸ் மசாக்கை வென்றாா்.
7-ஆம் இடத்திலிருக்கும் ரஷியாவின் ஆண்ட்ரே ரூபலேவ் 6-4, 7-6 (7/2) என்ற செட்களில், உள்நாட்டு வீரரான கேல் மான்ஃபில்ஸை வெளியேற்றினாா். ரூபலேவ் அடுத்து, பிரான்ஸின் ஆா்தா் ஃபில்ஸுடன் மோதுகிறாா். போட்டித்தரவரிசையில் 12-ஆம் இடத்திலிருக்கும் ஃபில்ஸ், முந்தைய ஆட்டத்தில் 6-2, 6-4 என்ற நோ் செட்களில் இத்தாலியின் ப்ளாவியோ கோபோலியை வீழ்த்தினாா்.
ஸ்பெயினின் அலெக்ஸாண்ட்ரோ டேவிடோவிச் 7-6 (7/2), 6-3 என்ற செட்களில், ஆா்ஜென்டீனாவின் தாமஸ் எட்செவெரியை தோற்கடிக்க, போா்ச்சுகலின் நுனோ போா்ஜஸ் 7-5, 6-7 (4/7), 6-4 என்ற செட்களில் ஸ்பெயினின் பாப்லோ மாா்டினெஸை சாய்த்தாா். 13-ஆம் இடத்திலிருக்கும் இத்தாலியின் லொரென்ஸோ முசெத்தி 1-6, 7-5, 6-2 என்ற கணக்கில் செக் குடியரசின் ஜிரி லெஹெக்காவை வீழ்த்தினாா்.
அடுத்த சுற்றில், டேவிடோவிச் - பிரிட்டனின் ஜேக் டிரேப்பரையும், முசெத்தி - இத்தாலியின் மேட்டியோ பெரெட்டினியையும், போா்ஜஸ் - நடப்பு சாம்பியனான கிரீஸின் ஸ்டெஃபனோஸ் சிட்சிபாஸையும் சந்திக்கின்றனா்.
