முன்னேறும் சபலென்கா, ஸ்வியாடெக்; வெளியேறினாா் கௌஃப்

அமெரிக்காவில் நடைபெறும் மியாமி ஓபன் டென்னிஸ் போட்டியில், இருமுறை கிராண்ட்ஸ்லாம் சாம்பியன்களான பெலாரஸின் அரினா சபலென்கா, போலந்தின் இகா ஸ்வியாடெக் ஆகியோா் காலிறுதிச்சுற்றுக்கு செவ்வாய்க்கிழமை தகுதிபெற்றனா்.

மகளிா் ஒற்றையா் ரவுண்ட் ஆஃப் 16-இல், உலகின் நம்பா் 1 வீராங்கனையான சபலென்கா 6-4, 6-4 என்ற நோ் செட்களில், நடப்பு சாம்பியனான அமெரிக்காவின் டேனியல் காலின்ஸை தோற்கடித்தாா். காலிறுதியில் சபலென்கா, சீனாவின் ஜெங் கின்வென்னை சந்திக்கிறாா்.

போட்டித்தரவரிசையில் 9-ஆம் இடத்திலிருக்கும் கின்வென் முந்தைய சுற்றில், அமெரிக்காவின் ஆஷ்லின் குரூகரை 6-2, 7-6 (7/3) என்ற வகையில் வீழ்த்தினாா்.

உலகின் 2-ஆம் நிலை வீராங்கனையான இகா ஸ்வியாடெக் 7-6 (7/5), 6-3 என்ற வகையில், உக்ரைனின் எலினா ஸ்விடோலினாவை சாய்த்தாா். காலிறுதியில் ஸ்வியாடெக், பிலிப்பின்ஸ்ஸின் 19 வயது இளம் வீராங்கனை அலெக்ஸாண்ட்ரா எலாவை சந்திக்கிறாா்.

முந்தைய சுற்றில் எலாவை சந்திக்கவிருந்தவரும், போட்டித்தரவரிசையில் 10-ஆம் இடத்தில் இருந்தவருமான ஸ்பெயினின் பௌலா படோசா, காயம் காரணமாக போட்டியிலிருந்து விலக, எலா காலிறுதிக்குத் தகுதிபெற்ாக அறிவிக்கப்பட்டாா்.

கௌஃப் தோல்வி: உலகின் 3-ஆம் நிலையில் இருக்கும் அமெரிக்காவின் கோகோ கௌஃப் 4-6, 4-6 என்ற நோ் செட்களில், போலந்தின் மெக்தா லினெட்டால் வீழ்த்தப்பட்டாா்.

லினெட் தனது காலிறுதியில், உலகின் 7-ஆம் நிலை வீராங்கனையான இத்தாலியின் ஜாஸ்மின் பாலினியை சந்திக்கிறாா். பாலினி தனது முந்தைய சுற்றில், இரு முறை கிராண்ட்ஸ்லாம் சாம்பியனான ஜப்பானின் நவோமி ஒசாகாவை 3-6, 6-4, 6-4 என தோற்கடித்தாா்.

4-ஆம் இடத்திலிருக்கும் அமெரிக்காவின் ஜெஸ்ஸிகா பெகுலா 6-2, 6-3 என்ற நோ் செட்களில், போட்டித்தரவரிசையில் உக்ரைனின் மாா்தா கொஸ்டியுக்கை வெளியேற்றினாா். பெகுலா அடுத்த சுற்றில், பிரிட்டன் இளம் வீராங்கனை எம்மா ரடுகானுவுடன் மோதுகிறாா்.

ரடுகானு தனது ரவுண்ட் ஆஃப் 16 ஆட்டத்தில், அமெரிக்காவின் அமாண்டா அனிசிமோவாவை 6-1, 6-3 என்ற கணக்கில் எளிதாக தோற்கடித்தாா்.

ஸ்வெரெவ், ஃப்ரிட்ஸ் வெற்றி

மியாமி ஓபன் ஆடவா் ஒற்றையா் பிரிவு 3-ஆவது சுற்றில், போட்டித்தரவரிசையில் முதலிடத்தில் இருக்கும் ஜொ்மனியின் அலெக்ஸாண்டா் ஸ்வெரெவ் 7-5, 6-4 என, ஆஸ்திரேலியாவின் ஜோா்டான் தாம்சனை தோற்கடித்தாா். அடுத்து அவா், பிரான்ஸின் ஆா்தா் ஃபில்ஸை எதிா்கொள்கிறாா்.

முன்னதாக ஃபில்ஸ் 7-6 (13/11), 5-7, 6-2 என்ற செட்களில், அமெரிக்காவின் ஃபிரான்சஸ் டியாஃபோவை வெளியேற்றினாா்.

3-ஆம் இடத்திலிருக்கும் அமெரிக்காவின் டெய்லா் ஃப்ரிட்ஸ் 7-5, 6-3 என்ற கணக்கில், கனடாவின் டெனிஸ் ஷபோவலோவை வீழ்த்தினாா். ஃப்ரிட்ஸ் அடுத்ததாக, ஆஸ்திரேலியாவின் ஆடம் வால்டனை எதிா்கொள்கிறாா்.

போட்டித்தரவரிசையில் 10-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாா் 5-7, 7-5, 6-3 என்ற செட்களில் பிரேஸிலின் ஜாவ் ஃபொன்சேகாவை வென்றாா். அடுத்து அவா், இத்தாலியின் மேட்டியோ பெரெட்டினியை எதிா்கொள்கிறாா்.

பெரெட்டினி முந்தைய சுற்றில், 6-4, 6-4 என்ற நோ் செட் கணக்கில், பெல்ஜியத்தின் ஜிஸு பொ்க்ஸை சாய்த்தாா். 20-ஆம் இடத்திலிருக்கும் செக் குடியரசின் தாமஸ் மசாக் 7-6 (7/1), 6-3 என்ற கணக்கில் அமெரிக்காவின் ரெய்லி ஒபெல்காவை வென்றாா்.

அடுத்த சுற்றில் அவா், சக செக் குடியரசு வீரா் ஜேக்கப் மென்சிக்குடன் மோதுகிறாா். முன்னதாக மென்சிக் 6-4, 6-4 என ரஷியாவின் ரோமன் சஃபியுலினை சாய்த்தாா்.