வயநாடு : `மத்திய அரசின் அறிவிப்பு மனிதாபிமானமற்ற செயல்' - கேரள வருவாய்த் துறை அம...
`வயது என்பது வெறும் எண் மட்டும்... சாதிக்க, இலக்கை நோக்கி ஓட வயது தடையில்லை என 61 வயது பாடி பில்டர் நிரூபித்திருக்கிறார். கேரள மாநிலம் தெக்கேவிலவை பூர்வீகமாகக் கொண்டவர் எஸ்.சுரேஷ். KSRTC அரசு பணியில் இருந்த சுரேஷ் மே 2020-ல் ஓய்வுபெற்றார். உடலை கட்டுக்கோப்பாக வைத்திருப்பதில் மிகுந்த ஆர்வமுடைய சுரேஷ், பணியில் இருக்கும்போதே வாரத்தில் மூன்றுநாள் பணியிலும் மீதமிருக்கும் 4 நாள்களில், நாளுக்கு இரண்டு முறை என ஜிம்மில் உடற்பயிற்சி செய்துவந்திருக்கிறார். அப்போதே, மிஸ்டர் கொல்லம், மிஸ்டர் கேரளா போட்டிகளிலும் தொடர்ந்து பங்கேற்றுவந்திருக்கிறார்.
அதன் பலனாக தொடர்ந்து 15 ஆண்டுகள் மிஸ்டர் கொல்லம், ஐந்து முறை மிஸ்டர் கேரளா, 2022-ல் மிஸ்டர் ஆசியா சாம்பியன்ஷிப்பில், மிஸ்டர் இந்தியா, ரன்னர்-அப் உள்ளிட்ட இடத்தையும் வென்றுள்ளார். பணி ஓய்வு பெற்றப்பிறகு, தொடர்ந்து உடற்பயிற்ச்சியில் மட்டும் கவனம் செலுத்திவந்தார். இந்த நிலையில், இந்த ஆண்டு மாலத் தீவில் நடைபெற்ற உலக சாம்பியன், உடற்தகுதி விளையாட்டுப் போட்டியில் 60 வயதுக்கு மேற்பட்ட ஆண்களுக்கான மாஸ்டர் பிரிவில் உலகச் சாம்பியன் (World Bodybuilding and Physique Sports Championship) பட்டத்தை வென்றிருக்கிறார்.
கடந்த சில ஆண்டுகளுக்கு முன்பு தனியார் தொலைக்காட்சி ஒன்றுக்கு அவர் அளித்தப் பேட்டியில், ``ஒரு போட்டிக்காக தயாராகிறேன் என்றால் ஒரு வேளைக்கு மூன்று மணி நேரம் என ஒரு நாளைக்கு இரண்டுமுறை உடற்பயிற்சி செய்வேன். அந்த நாள்களில், கார்போஹைட்ரேட்டுகளை முற்றிலுமாக தவிர்த்துவிட்டு, தினமும் 40 முட்டைகளின் வெள்ளை கரு, 1 கிலோ கோழிக்கறியை 3 வேளை உணவாக எடுத்துக்கொள்வேன்.
அந்தக் கோழி சமைக்க, உப்பை தவிர்த்துவிட்டு, மிளகு, மஞ்சள்தூள், இஞ்சியை மட்டுமே மசாலாவாக சேர்ப்பேன். போட்டி அல்லாத மற்றநாள்களில் வழக்கமான உணவுகளை எடுத்துக்கொள்வேன். குறிப்பாக பழங்களை கூடுதலாக சேர்த்துகொள்வேன்." எனக் குறிப்பிட்டிருந்தார். இப்போது சுரேஷ் கொல்லத்தில் உள்ள ஆசிரமத்தில் ஜிம் பயிற்சியாளராக பணிபுரிகிறார் என்பது குறிப்பிடத்தக்கது.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb
