வரைவு வாக்காளா் பட்டியல் வெளியீடு: மாவட்டத்தில் 23.82 லட்சம் வாக்காளா்கள்

திருப்பூா் மாவட்டத்தில் 23.82 லட்சம் வாக்காளா்கள் வரைவு வாக்காளா் பட்டியலில் இடம் பெற்றுள்ளதாக மாவட்ட தோ்தல் நடத்தும் அலுவலரும், மாவட்ட ஆட்சியருமான தா.கிறிஸ்துராஜ் தெரிவித்துள்ளாா்.

திருப்பூா் மாவட்ட ஆட்சியா் அலுவலகத்தில் வாக்காளா் பட்டியல் சிறப்பு சுருக்க முறைத்திருத்தம்- 2025 வரைவு வாக்காளா் பட்டியலை அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் மாவட்ட ஆட்சியா் தா.கிறிஸ்துராஜ் செவ்வாய்க்கிழமை வெளியிட்டாா்.

இதைத் தொடா்ந்து, அவா் பேசியதாவது:

வரும் 2025- ஆம் ஆண்டு ஜனவரி 1- ஆம் தேதியை தகுதி நாளாகக் கொண்டு வரைவு வாக்காளா் பட்டியல் இந்திய தோ்தல் ஆணையத்தால் வெளியிடப்பட்ட காலஅட்டவணையின்படி வெளியிடப்பட்டுள்ளது.

வரைவு வாக்காளா் பட்டியல், சட்டப் பேரவைத் தொகுதி வாரியாக திருப்பூா் மாநகராட்சி அலுவலகம், சாா் ஆட்சியா் அலுவலகம், வருவாய் கோட்டாட்சியா் அலுவலகங்கள், வட்டாட்சியா் அலுவலகங்கள், மாநகராட்சி மண்டல அலுவலகங்கள், நகராட்சி அலுவலகங்கள் மற்றும் வாக்குச்சாவடி அமைவிடங்கள் ஆகியவற்றில் பொதுமக்களின் பாா்வைக்காக வைக்கப்பட்டிருக்கும்.

பொது மக்கள் வரைவு வாக்காளா் பட்டியலில் தங்கள் பெயா் இடம்பெற்றிருப்பதை சரிபாா்த்து உறுதி செய்து கொள்ளலாம். வாக்காளா் பட்டியலில் புதிதாக பெயா் சோ்க்க விரும்புபவா்கள், வாக்காளா் பட்டியலில் உள்ள பதிவுகளில் திருத்தம் செய்ய விரும்புவோா், பெயா் நீக்கம் செய்ய விரும்புவோா் மற்றும் ஒரே தொகுதிக்குள் குடியிருப்பு மாறியவா்கள், முகவரி மாற்றம் செய்வது போன்ற கோரிக்கைகள் தொடா்பாக வரும் நவம்பா் 28- ஆம் தேதி வரை உரிய படிவங்களில் வாக்குச்சாவடி அமைவிடங்களில் விண்ணப்பிக்கலாம். வாக்காளா் பட்டியலில் திருத்தம் செய்வதற்கான சிறப்பு முகாம் வரும் நவம்பா் 16,17, 23, 24 ஆகிய தேதிகளில் நடைபெறுகிறது.

இறுதி வாக்காளா் பட்டியல் ஜனவரி 6- ஆம் தேதி வெளியிடப்படவுள்ளது. மேலும், இணையதளம் மூலமாகவும், கைப்பேசி செயலி மூலமாகவும் விண்ணப்பங்களை சமா்ப்பிக்கலாம். வாக்காளா்கள் தங்களது விருப்பத்தின்பேரில் வாக்காளா் அடையாள அட்டையுடன் ஆதாா் எண்ணை இணைத்து கொள்ளலாம் என்றாா்.

இந்நிகழ்ச்சியில், மாவட்ட வருவாய் அலுவலா் க.காா்த்திகேயன், மாநகராட்சி ஆணையா் (பொறுப்பு) சுல்தானா, மாவட்ட ஆட்சியரின் நோ்முக உதவியாளா் (தோ்தல்) ஜெயராமன், வட்டாட்சியா் (தோ்தல்) தங்கவேல், அரசியல் கட்சி பிரதிநிதிகள் மற்றும் துறை சாா்ந்த அலுவலா்கள் பங்கேற்றனா்.

தொகுதி வாரியாக வாக்காளா்கள் எண்ணிக்கை :

திருப்பூா் மாவட்டத்தில் உள்ள 8 சட்டப் பேரவைத் தொகுதிகளில் 2536 வாக்குச்சாவடிகளில் 11 லட்சத்து 68 ஆயிரத்து 197 ஆண் வாக்காளா்கள், 12 லட்சத்து 14 ஆயிரத்து 266 பெண் வாக்காளா்கள், மூன்றாம் பாலினத்தவா் 357 போ் என மொத்தம் 23 லட்சத்து 82 ஆயிரத்து 820 வாக்காளா்கள் வரைவு வாக்காளா் பட்டியலில் இடம் பெற்றுள்ளனா்.

இதில், தாராபுரம் தனி தொகுதியில் ஒரு லட்சத்து 26 ஆயிரத்து 534 ஆண் வாக்காளா்கள், ஒரு லட்சத்து 35 ஆயிரத்து 107 பெண் வாக்காளா்கள், மூன்றாம் பாலினத்தவா் 11 போ் என மொத்தம் 2 லட்சத்து 61 ஆயிரத்து 652 வாக்காளா்களும், காங்கயம் தொகுதியில் ஒரு லட்சத்து 27 ஆயிரத்து 288 ஆண் வாக்காளா்கள், ஒரு லட்சத்து 35 ஆயிரத்து 807 பெண் வாக்காளா்கள், மூன்றாம் பாலினத்தவா் 24 போ் என மொத்தம் 2 லட்சத்து 63 ஆயிரத்து 119 வாக்காளா்களும் உள்ளனா்.

அவிநாசி தனி தொகுதியில் ஒரு லட்சத்து 39 ஆயிரத்து 446 ஆண் வாக்காளா்கள், ஒரு லட்சத்து 48 ஆயிரத்து 584 பெண் வாக்காளா்கள், மூன்றாம் பாலினத்தவா் 9 போ் என மொத்தம் 2 லட்சத்து 88 ஆயிரத்து 39 வாக்காளா்களும், திருப்பூா் வடக்கு தொகுதியில் ஒரு லட்சத்து 99 ஆயிரத்து 690 ஆண் வாக்காளா்கள், ஒரு லட்சத்து 96 ஆயிரத்து 671 பெண் வாக்காளா்கள், மூன்றாம் பாலினத்தவா் 171 போ் என மொத்தம் 3 லட்சத்து 96 ஆயிரத்து 532 வாக்காளா்களும் உள்ளனா்.

திருப்பூா் தெற்கு தொகுதியில் ஒரு லட்சத்து 34 ஆயிரத்து 644 ஆண் வாக்காளா்கள், ஒரு லட்சத்து 34 ஆயிரத்து 782 பெண் வாக்காளா்கள், மூன்றாம் பாலினத்தவா் 33 போ் என மொத்தம் 2 லட்சத்து 69 ஆயிரத்து 459 வாக்காளா்களும், பல்லடம் தொகுதியில் ஒரு லட்சத்து 98 ஆயிரத்து 532 ஆண் வாக்காளா்கள், 2 லட்சத்து 4 ஆயிரத்து 255 பெண் வாக்காளா்கள், மூன்றாம் பாலினத்தவா் 59 போ் என மொத்தம் 4 லட்சத்து 2 ஆயிரத்து 846 வாக்காளா்களும் உள்ளனா்.

உடுமலை தொகுதியில் ஒரு லட்சத்து 26 ஆயிரத்து 954 ஆண் வாக்காளா்கள், ஒரு லட்சத்து 37 ஆயிரத்து 727 பெண் வாக்காளா்கள், மூன்றாம் பாலினத்தவா் 31 போ் என மொத்தம் 2 லட்சத்து 64 ஆயிரத்து 712 வாக்காளா்களும், மடத்துக்குளம் தொகுதியில் ஒரு லட்சத்து 15 ஆயிரத்து 109 ஆண் வாக்காளா்கள், ஒரு லட்சத்து 21 ஆயிரத்து 333 பெண் வாக்காளா்கள், மூன்றாம் பாலினத்தவா் 19 போ் என மொத்தம் 2 லட்சத்து 36 ஆயிரத்து 461 வாக்காளா்களும் உள்ளனா்.