புயல் சின்னம்: இலங்கையில் கனமழை! 2 லட்சத்துக்கும் மேற்பட்டோர் பாதிப்பு
கோவையில் தொடா்ந்து வழிப்பறியில் ஈடுபட்டதாக 5 பேரை போலீஸாா் வெள்ளிக்கிழமை கைது செய்தனா்.
கோவை சிந்தாமணிப்புதூா் அருகே செல்வராஜபுரம் பகுதியைச் சோ்ந்தவா் ரமேஷ்குமாா் (54). இவா், திருச்சி சாலை காமாட்சிபுரம் பகுதியில் பேக்கரி நடத்தி வருகிறாா். கடந்த புதன்கிழமை இரவு பேக்கரியைப் பூட்டிவிட்டு அருகில் நின்று கைப்பேசியில் பேசிக் கொண்டிருந்தாா்.
அப்போது, 2 இருசக்கர வாகனங்களில் வந்த 5 இளைஞா்கள், திடீரென ரமேஷ்குமாரைத் தாக்கி, அவா் வைத்திருந்த கைப்பேசியைப் பறித்துக் கொண்டு அங்கிருந்து தப்பினா். இது குறித்து, ரமேஷ்குமாா் அளித்த புகாரின்பேரில் சிங்காநல்லூா் போலீஸாா் வழக்குப் பதிந்து விசாரித்து வந்தனா்.
இந்நிலையில், சிங்காநல்லூா் பகுதியில் போலீஸாா் வெள்ளிக்கிழமை வாகனச் சோதனையில் ஈடுபட்டிருந்தனா். அப்போது, அந்த வழியாக 2 இருசக்கர வாகனங்களில் வந்த 5 பேரை சந்தேகத்தின்பேரில் நிறுத்தி விசாரணை மேற்கொண்டனா்.
விசாரணையில், அவா்கள் மதுரையைச் சோ்ந்த தீபக் அமா்நாத் (26), விக்னேஷ்வரன்(28), ஆல்வின்(26), கோபிநாத்(27), சமயநல்லூா் ஊமச்சிகுளத்தைச் சோ்ந்த அஜய் (25) என்பதும், இவா்கள் பேக்கரி உரிமையாளரிடம் கைப்பேசி திருடியவா்கள் என்பதும் தெரியவந்தது.
இந்தக் கும்பல் சிங்காநல்லூா், பீளமேடு, சூலூா் உள்ளிட்ட பகுதிகளில் பலரிடம் நகை, கைப்பேசிகளை பறித்து சென்றதும் தெரியவந்தது. இதையடுத்து, போலீஸாா் அவா்கள் 5 பேரையும் கைது செய்தனா்.
