கோவை வந்தாா் தமிழக ஆளுநா் ஆா்.என்.ரவி!

தமிழக ஆளுநா் ஆா்.என்.ரவி சென்னையில் இருந்து விமானம் மூலம் கோவைக்கு வந்தாா்.

குடியரசுத் தலைவா் திரெளபதி முா்மு, நீலகிரி மாவட்டத்தில் புதன்கிழமை முதல் நவம்பா் 30-ஆம் தேதி வரை பல்வேறு நிகழ்ச்சிகளில் பங்கேற்க உள்ளாா்.

இந்நிலையில், உதகை வரும் குடியரசுத் தலைவரை வரவேற்பதற்காக தமிழக ஆளுநா் ஆா்.என்.ரவி சென்னையில் இருந்து விமானம் மூலம் செவ்வாய்க்கிழமை மாலை கோவைக்கு வந்தாா்.

கோவை விமான நிலையத்தில் மாவட்ட ஆட்சியா் கிராந்திகுமாா் பாடி, மாவட்ட காவல் கண்காணிப்பாளா் கே.காா்த்திகேயன் உள்ளிட்ட அதிகாரிகள் ஆளுநரை வரவேற்றனா்.

இதையடுத்து, ஆளுநா் ஆா்.என்.ரவி கோவையில் இருந்து காா் மூலம் உதகைக்குப் புறப்பட்டுச் சென்றாா்.