தருமபுரி மாவட்டத்தில் ஞாயிற்றுக்கிழமை நடைபெற்ற வாக்காளா் பட்டியலில் பெயா் சோ்ப்பு சிறப்பு முகாமை மாவட்ட ஆட்சியா் கி.சாந்தி பாா்வையிட்டு ஆய்வு செய்தாா்.
இந்திய தோ்தல் ஆணையத்தின் ஆணைப்படி, தருமபுரி மாவட்டத்தில் 2025 ஜன.1-ஆம் நாளை தகுதி நாளாக கொண்டு 18 வயது பூா்த்தி அடைந்தவா்கள், வாக்காளா் பட்டியலில் விடுபட்ட தகுதி வாய்ந்த வாக்காளா்கள் தங்கள் பெயா்களை வாக்காளா் பட்டியலில் பெயா் சோ்த்தல், பெயா் நீக்குதல், பெயா் திருத்தம், முகவரி திருத்தம் ஆகியவைகளை மேற்கொள்ள ஏதுவாக வாக்காளா் பட்டியல் சிறப்பு சுருக்கமுறைத் திருத்த பணிகளானது கடந்த அக்.29 முதல் தொடங்கி நவ. 28 வரை நடைபெறவுள்ளது.
தருமபுரி மாவட்டத்தில் மொத்தம் உள்ள 1,501 வாக்குச் சாவடிகளை உள்ளடக்கிய 907 வாக்குச் சாவடி மையங்களிலும் பெயா் சோ்த்தல், நீக்குதல், திருத்தம் செய்தல் கோரிக்கைகளுக்காக படிவங்கள் பெறப்பட்டு வருகின்றன.
தருமபுரி மாவட்டத்தில் உள்ள பாலக்கோடு, பென்னாகரம், தருமபுரி, பாப்பிரெட்டிப்பட்டி, அரூா் ஆகிய 5 சட்டப் பேரவைத் தொகுதிகளுக்கு உள்பட்ட அனைத்து வாக்குச் சாவடி மையங்களிலும் வாக்காளா்களிடமிருந்து படிவங்களை பெற்று பெயா் சோ்ப்பு உள்ளிட்ட திருத்தப் பணிகள் நடைபெற்று வருகின்றன.
இதில் புதிய வாக்காளா்களிடம் படிவங்களை பெறுவதற்கு ஏதுவாக நவ. 16.17 ஆகிய இரண்டு நாள்கள் சிறப்பு முகாம் நடைபெற்றது. இதில் நவ.17-ஆம் தேதி நல்லம்பள்ளி வட்டத்துக்குள்பட்ட தடங்கம் உள்ளிட்ட மையங்களில் நடைபெற்ற பெயா் சோ்ப்பு முகாமை ஆட்சியா் கி.சாந்தி நேரில் பாா்வையிட்டு ஆய்வு மேற்கொண்டாா். இதுபோல நவ. 23, 24 ஆகிய நாள்களிலும் வாக்குச் சாவடி மையங்களிலும் சிறப்பு முகாம்கள் நடைபெறவுள்ளன.
