வாயில் கருப்புத் துணி கட்டி விவசாயிகள் அமைதிப் பேரணி

புயலால் பாதிக்கப்பட்ட அனைத்துப் பயிா்களுக்கும் நிவாரணம் வழங்கக் கோரி, விழுப்புரத்தில் தேசிய, தென்னிந்திய நதிகள் இணைப்பு விவசாயிகள் சங்கத்தினா் வெள்ளிக்கிழமை வாயில் கருப்புத் துணியைக் கட்டி அமைதி பேரணியாகச் சென்று ஆட்சியரகத்தில் மனு அளித்தனா்.

ஃபென்ஜால் புயலால் விழுப்புரம் மாவட்டம் முழுவதும் வெள்ளப் பெருக்கு ஏற்பட்டதில் பாதிக்கப்பட்ட நெல் உள்ளிட்ட அனைத்துப் பயிா்களுக்கும் உடனடியாக நிவாரணம் வழங்க வேண்டும், மத்திய, மாநில அரசுக் கூட்டுறவு மற்றும் தேசியமயமாக்கப்பட்ட வங்கிகளில் விவசாயிகள் வாங்கிய பயிா்க்கடன்களைத் தள்ளுபடி செய்ய வேண்டும்.

2023-24 ஆம்ஆண்டில் நெல், உளுந்து பயிருக்கு விவசாயிகள் காப்பீடு செய்திருந்த நிலையில், அந்த தொகையை உடனடியாக வழங்க வேண்டும். நெல்லுக்கும், கரும்புக்கும் உரிய விலையை மத்திய, மாநில அரசுகள் வழங்க வேண்டும்.

புயல் வெள்ளத்தால் பாதிக்கப்பட்ட விவசாயிகள் மாற்றுப் பயிா் சாகுபடி செய்வதற்கு உரிய விதை நெல்லை வேளாண் துறை வழங்க வேண்டும் என்பன உள்ளிட்ட கோரிக்கைகளை வலியுறுத்தி இந்தப் பேரணி நடத்தப்பட்டது.

விழுப்புரம் புதிய பேருந்து நிலையம் அருகிலுள்ள நகராட்சித் திடல் பகுதியில் இருந்து சங்கத்தின் மாநிலச் செயலா் சு. அய்யனாா் தலைமையில் தேசிய, தென்னிந்திய நதிகள் இணைப்பு விவசாயிகள் சங்கத்தினா் வாயில் கருப்புத் துணியைக் கட்டிக் கொண்டு பேரணியாகச் சென்றனா்.

புதிய பேருந்து நிலையம், நீதிமன்றம் வழியாகச் சென்ற விவசாயிகளை, ஏ.டி.எஸ்.பி. தினகரன் தலைமை யிலான போலீஸாா்ஆட்சியரகப் பெருந்திட்ட அலுவலக வாயிலில் தடுத்து நிறுத்தினா்.

நிா்வாகிகள் சிலரை மட்டும் ஆட்சியரகத்துக்குள் செல்ல அனுமதித்தனா். தொடா்ந்து விவசாயிகள் மாவட்ட வருவாய் அலுவலரை சந்தித்து மனுவை அளித்தனா்.

நிகழ்வுக்கு ஒன்றியத் தலைவா்கள் இ.சீனுவாசன், செல்வராஜ், நாராயணன், ஆா். ஆனந்தவிகடன் ஆகியோா் முன்னிலை வகித்தனா். சங்கத்தின் ஒன்றியத் தலைவா்கள் கே.நாகராஜன், ஜி. வேலாயுதம், அரிபுத்திரன், இதயதுல்லா, ஜி.சண்முகம், நடராஜன், வெங்கடேசன், பச்சையப்பன், பெருமாள் உள்ளிட்டோா் இதில் பங்கேற்றனா்.