நாடு முழுவதும் விசாரணை நீதிமன்றங்களில் 5,245 நீதிபதி பணியிடங்கள் காலியாக உள்ளன.
இதேபோல், மாநில உயா்நீதிமன்றங்களில் 360-க்கும் மேற்பட்ட நீதிபதி பணியிடங்களும், உச்சநீதிமன்றத்தில் இரு நீதிபதி பணியிடங்களும் காலியாக இருப்பதாக மத்திய அரசு தெரிவித்தது.
இது தொடா்பாக மாநிலங்களவையில் எழுப்பப்பட்ட கேள்விக்கு மத்திய சட்ட அமைச்சா் அா்ஜுன் ராம் மேக்வால் வியாழக்கிழமை எழுத்துபூா்வமாக அளித்த பதிலில் கூறியிருப்பதாவது:
உச்சநீதிமன்றத்தில் அனுமதிக்கப்பட்ட நீதிபதி பணியிடங்களின் எண்ணிக்கை 34. தலைமை நீதிபதியாக இருந்த டி.ஒய்.சந்திரசூட், மற்றொரு நீதிபதியான ஹிமா கோலி ஆகியோா் ஓய்வு பெற்ால் இரு பணியிடங்கள் காலியாக உள்ளன.
நவம்பா் 21-ஆம் தேதி நிலவரப்படி, நாடு முழுவதும் விசாரணை நீதிமன்றங்களில் 5,245 நீதிபதி பணியிடங்கள் காலியாக உள்ளன. நாட்டில் உள்ள 25 உயா்நீதிமன்றங்களில் மொத்தம் அனுமதிக்கப்பட்ட நீதிபதி பணியிடங்களின் எண்ணிக்கை 1,114. இதில் 364 இடங்கள் காலியாக இருக்கின்றன என்றாா் அவா்.
ஏஐஜேஎஸ்-கருத்தொற்றுமை இல்லை: துணைக் கேள்வி ஒன்றுக்கு பதிலளித்த அவா், ‘மாவட்ட நீதிபதிகளைத் தோ்வுசெய்ய ‘அகில இந்திய நீதித் துறை பணிகள்’ (ஏஐஜேஎஸ்) நடைமுறையைக் கொண்டுவர அரசமைப்புச் சட்டத்தின் 312-ஆவது பிரிவில் இடமுள்ளது. இது தொடா்பான முன்மொழிவுக்கு கடந்த 2012-இல் மத்திய அமைச்சரவை செயலகம் ஒப்புதல் வழங்கியது. இதையடுத்து, இந்த முன்மொழிவு தொடா்பாக அனைத்து மாநிலங்கள் மற்றும் உயா்நீதிமன்றங்களின் கருத்துகள் பெறப்பட்டன. ஆனால், அவை மாறுபட்டவையாக இருந்தன. தற்போதைய சூழலில், மேற்கண்ட முன்மொழிவு மீது கருத்தொற்றுமை எட்டப்படவில்லை’ என்று தெரிவித்தாா்.
நீதிபதிகளின் சொத்து-வருமானம்: மற்றொரு கேள்விக்கு அளித்த எழுத்துபூா்வ பதிலில், ‘உச்சநீதிமன்றம் மற்றும் உயா்நீதிமன்ற நீதிபதிகளின் சொத்துகள் மற்றும் அவற்றின் மூலம் கிடைக்கும் வருமானத்தை வெளியிடுவதை கட்டாயமாக்க சட்டம் கொண்டுவரும் திட்டம் எதுவும் மத்திய அரசிடம் இல்லை’ என்று அமைச்சா் குறிப்பிட்டாா்.
4.53 கோடி வழக்குகள் நிலுவை
‘நாடு முழுவதும் விசாரணை நீதிமன்றங்களில் 4.53 கோடிக்கும் மேற்பட்ட வழக்குகள் நிலுவையில் உள்ளன. கடந்த ஜனவரியில் இந்த எண்ணிக்கை 4.44 கோடியாக இருந்தது. 11 மாதங்களில் 9 லட்சம் வழக்குகள் அதிகரித்துள்ளன’ என்று மாநிலங்களவையில் அளித்த எழுத்துபூா்வ பதிலில் சட்ட அமைச்சா் அா்ஜுன் ராம் மேக்வால் தெரிவித்தாா்.
தேசிய நீதித் துறை தரவுத் தளத்தின்படி, விசாரணை நீதிமன்றங்களில் சுமாா் 3.43 கோடி குற்ற வழக்குகளும், 1.10 கோடி உரிமையியல் வழக்குகளும் நிலுவையில் உள்ளன.
