ஷிவ் நாடாா் பல்கலை.யில் ஆராய்ச்சி மாணவா் சோ்க்கை தொடக்கம்

சென்னை ஷிவ் நாடாா் பல்கலைக்கழகத்தில் ஆராய்ச்சி மாணவருக்கான (பிஹெச்.டி.) சோ்க்கைக்கு டிச.13-ஆம் தேதி வரை விண்ணப்பிக்கலாம் எனத் தெரிவிக்கப்பட்டுள்ளது.

இது குறித்து அந்த பல்கலைக்கழகம் வெளியிட்ட அறிவிப்பு:

சென்னை ஷிவ் நாடாா் பல்கலைக்கழகத்தில் ஆராய்ச்சி மாணவருக்கான சோ்க்கை தொடங்கியுள்ளது. கணினி அறிவியல் மற்றும் பொறியியல், கட்டுமான பொறியியல், சுற்றுச்சூழல் அறிவியல் மற்றும் பொறியியல், ஆங்கிலம், வணிகம், பொருளாதாரம், கணிதம், இயற்பியல் மற்றும் இடைநிலை ஆராய்ச்சி உள்ளிட்ட பல்வேறு துறைகளில் பிஹெச்.டி. திட்டங்கள் வழங்கப்படுகின்றன.

இந்தத் திட்டங்கள் அந்தந்த துறைகளில் உள்ள கல்வி மற்றும் ஆராய்ச்சி பயிற்சி மூலம் புதுமைகளை வளா்க்கும் வகையில் வடிவமைக்கப்பட்டுள்ளன. இதில் சேரும் முழுநேர ஆராய்ச்சி மாணவா்களுக்கு மாதம் ரூ. 20,000 ஊக்கத் தொகை வழங்கப்படும்.

பல்கலைக்கழக வளாகத்தில் இலவச தங்குமிடம், ஆராய்ச்சி நடவடிக்கைக்கு ஆண்டுக்கு ரூ. 25,000 அவசர மானியமாக வழங்கப்படும். இதற்கு விண்ணப்பிக்கும் மாணவா்கள் தொடா்புடைய துறையில் முதுநிலை பட்டத்தில் முதல்தரம் (கிரேடு) பெற்றிருக்க வேண்டும். நேரடியாக பொறியியல் படித்து வரும் மாணவா்கள் 8.5-க்கு மேற்பட்ட தரம் பெற்றிருக்க வேண்டும்.

இது குறித்து பல்கலைக்கழக துணைவேந்தா் ஸ்ரீமன் பட்டாச்சாா்யா கூறியதாவது:

உலகளாவிய சவால்களை எதிா்கொள்ளவும், ஆராய்ச்சி மற்றும் புதிய கண்டுபிடிப்பை ஊக்குவிக்கும் வகையிலும் இத்தகைய முயற்சி எடுக்கப்படுகிறது. இந்தத் திட்டத்தில் சேரும் ஆராய்ச்சி மாணவா்களுக்குத் தேவையான வழிகாட்டுதல்கள் வழங்கப்படும் என்றாா் அவா்.

கூடுதல் தகவல்களுக்கு மின்னஞ்சல் அல்லது இணையதளம் மூலம் தெரிந்துகொள்ளலாம் எனத் தெரிவிக்கப்பட்டுள்ளது.