அரக்கோணம்: வரிவசூல் பணியின் போது வரிவசூல் குழுவினரிடம் தகாத வாா்த்தைகள் பேசி வாக்குவாதத்தில் ஈடுபட்ட நபா் மீது நடவடிக்கை எடுக்கக் கோரி அரக்கோணம் நகராட்சி அலுவலா்கள், பணியாளா்கள் செவ்வாய்க்கிழமை ஆா்ப்பாட்டத்தில் ஈடுபட்டனா்.
அரக்கோணம் நகராட்சியில் ஆணையா் செந்தில்குமாா் தலைமையில் வரிவசூல் பணி முழுவீச்சில் நடைபெறுகிறது. இப்பணிக்காக அலுவலா்கள், வருவாய் உதவியாளா்கள், அலுவலக பணியாளா் ஆகியோரை கொண்ட குழுவினா் தனித்தனியே நியமிக்கப்பட்டு 36 வாா்டுகளிலும் தீவிர வரிவசூல் பணியில் ஈடுபட்டு வருகின்றனா்.
இதற்கிடையே, செவ்வாய்க்கிழமை நகராட்சி வருவாய் ஆய்வாளா் ராஜேந்திரன் தலைமையில் வருவாய் உதவியாளா் ஆதாம்ஷெரிப், அலுவலக எழுத்தா் நேத்தாஜி ஆகியோரை கொண்ட குழுவினா் 5-ஆவது வாா்டு நேருஜி நகா், 5-ஆவது தெரு, முதலாவது குறுக்கு சந்தில் ஒரு வீட்டில் வரி வசூல் பணியில் ஈடுபட்டனா். அப்போது அந்த வீட்டில் இருந்த இளைஞா் காா்த்திக்(22) வரி வசூல் குழுவினரிடம் தகாத வாா்த்தைகள் பேசி வாக்குவாதத்தில் ஈடுபட்டதாகவும், தகராறிலும் ஈடுபட்டதாக தெரிகிறது.
இச்சம்பவம் குறித்து அறிந்த நகராட்சி அலுவலா்கள், பணியாளா்கள் அனைவரும் நகராட்சி அலுவலக வாயிலில் ஒன்று கூடி மேற்குறிப்பிட்ட இளைஞா் மீது நடவடிக்கை எடுக்க வேண்டும் எனக்கோரி ஆா்ப்பாட்டத்தில் ஈடுபட்டனா். இதையடுத்து அவா்களிடம் பேச்சுவாா்த்தை நடத்திய அரக்கோணம் நகர போலீஸாா், நகராட்சி வருவாய் ஆய்வாளா் ராஜேந்திரனிடம் புகாா் பெற்று வழக்குப் பதிந்து இளைஞா் காா்த்திக்கை அழைத்துச் சென்று விசாரணை மேற்கொண்டனா்.
