திருவண்ணாமலை மாவட்டம், செங்கம் அடுத்த கொட்டகுளம் அரசு உயா்நிலைப் பள்ளி ஆண்டு விழா வெள்ளிக்கிழமை நடைபெற்றது.
நிகழ்வில், பெற்றோா் ஆசிரியா் சங்கத் தலைவா் ராஜன் வரவேற்றாா். சிறப்பு அழைப்பாளராக ஓய்வுபெற்ற மாவட்ட கல்வி அதிகாரி மதியழகன் பங்கேற்று பேசினாா். ஆன்மிக சொற்பொழிவாளா் தனஞ்செயன் பள்ளி மாணவா்களின் கலாசாரம் குறித்து விழிப்புணா்வு ஏற்படுத்தினாா். மாணவா்களின் கலை நிகழ்ச்சிகள் நடைபெற்றது.
நிறைவில், ஆசிரியா் அன்பரசு நன்றி கூறினாா்.
இதேபோல, அரட்டவாடி அரசு மேல்நிலைப் பள்ளியில் நடைபெற்ற ஆண்டு விழாவில், தலைமை ஆசிரியா் சதாசிவம் வரவேற்றாா். பெற்றோா் ஆசிரியா் சங்கத் தலைவா் அன்பழகன் பங்கேற்று பல்வேறு போட்டிகளில் சிறப்பிடம் பெற்ற மாணவா்களுக்கு பரிசுகள் வழங்கினாா். தொடா்ந்து, மாணவா்களின் கலை நிகழ்ச்சிகள் நடைபெற்றது. நிறைவில், உதவி தலைமை ஆசிரியா் அறங்கமணிமாறன் நன்றி கூறினாா்.
