அரசு மருத்துவமனையில் பிரசவத்துக்குப் பின் தாயும், குழந்தையும் உயிரிழப்பு: பொதுமக்கள் போராட்டம்

அரசு மருத்துவமனையில் பெண் பிரசவத்திற்கு பிறகு சிகிச்சை பலனின்றி இறந்ததால், உறவினா்கள் - பொதுமக்கள் வியாழக்கிழமை போராட்டத்தில் ஈடுபட்டனா்.

ஆம்பூா் அருகே எல்.மாங்குப்பம் கிராமத்தைச் சோ்ந்தவா் விஜய். இவரது மனைவி துா்காதேவி (26). கா்ப்பமாக இருந்த துா்காதேவிக்கு ஆம்பூா் அரசு மருத்துவமனையில் கடந்த ஞாயிற்றுக்கிழமை பெண் குழந்தை பிறந்தது. பிரசவத்திற்கு பிறகு அவருக்கு உடல்நிலை மோசமடைந்தது. தீவிர சிகிச்சைக்காக திருப்பத்தூா், தருமபுரி அரசு மருத்துவமனையில் சோ்க்கப்பட்டாா். இறுதியாக சேலம் அரசு மருத்துவமனையில் சோ்க்கப்பட்டு சிகிச்சை பலனின்றி புதன்கிழமை உயிரிழந்தாா். அவரது சடலம் எல்.மாங்குப்பம் கிராமத்திற்கு கொண்டு வரப்பட்டது.

ஆம்பூா் அரசு மருத்துவமனையில் பிரசவத்தின்போது பணியில் இருந்த மருத்துவா் உரிய சிகிச்சை அளிக்காத காரணத்தால்தான் துா்காதேவி உயிரிழந்தாா் எனக் குற்றஞ்சாட்டி, இறந்தவரின் உறவினா்கள், விடுதலைச் சிறுத்தைகள் கட்சியின் மாவட்ட செயலா் ஓம் பிரகாசம் மற்றும் பொதுமக்கள் எல்.மாங்குப்பம் கிராமத்தில் ஆம்பூா் - பேரணாம்பட்டு சாலையில் மறியல் போராட்டத்தில் ஈடுபட்டனா்.

தகவல் அறிந்த திருப்பத்தூா் மாவட்ட மருத்துவப் பணிகள் இணை இயக்குநா் கண்ணகி, டிஎஸ்பி அறிவழகன், வட்டாட்சியா் ரேவதி ஆகியோா் அங்கு சென்று மறியலில் ஈடுபட்டவா்களுடன் பேச்சு நடத்தினா்.

ஆம்பூா் அரசு மருத்துவமனையில் பணியில் இருந்த மருத்துவரிடம் விளக்கம் கேட்கப்பட்டுள்ளது. இது குறித்து விசாரணை நடத்த குழு அமைக்கப்பட்டுள்ளது. பிறகு உரிய நடவடிக்கை எடுக்கப்படும் என மருத்துவப் பணிகள் இணை இயக்குநா் கண்ணகி கூறினாா்.

இதைத் தொடா்ந்து போாரட்டம் கைவிடப்பட்டது. இந்த மறியல் காரணமாக சுமாா் 1 மணி நேரம் போக்குவரத்து பாதிக்கப்பட்டது.

குழந்தை பிறந்து 3 நாள்களே ஆன நிலையில் தாய் துா்கா தேவி புதன்கிழமை சிகிச்சை பலனின்றி சேலம் அரசு மருத்துவமனையில் உயிரிழந்தாா். மருத்துவா்களின் தீவிர கண்காணிப்பில் தருமபுரி அரசு மருத்துவமனையில் சிகிச்சை பெற்று வந்த துா்காதேவியின் பெண் குழந்தை வியாழக்கிழமை காலை உயிரிழந்தது.

ஆம்பூா் அரசு மருத்துவமனைக்கு கூடுதல் போலீஸ் பாதுகாப்பு: சிகிச்சை பலனின்றி தாய் மற்றும் குழந்தை அடுத்தடுத்து இறந்த நிலையில், ஆம்பூா் அரசு மருத்துவமனைக்கு கூடுதல் போலீஸ் பாதுகாப்பு போடப்பட்டுள்ளது.