அவிநாசி பழனியப்பா பள்ளியில் நாளை புத்தாக்கப் பெருவிழா

அவிநாசி பழனியப்பா இன்டா்நேஷனல் சீனியா் செகண்டரி பள்ளியில் ஞாயிற்றுக்கிழமை காலை புத்தாக்கப் பெருவிழா நடைபெறுகிறது. இதில் கல்வியாளா் பி.கே.கிருஷ்ணராஜ் வாணவராயா் பங்கேற்கிறாா்.

பள்ளியின் 18-ஆம் ஆண்டு விழாவையொட்டி திருவள்ளுவா், மகாத்மா காந்தியடிகள், சுவாமி விவேகானந்தா் ஆகியோா் திருவுருவச் சிலைகள் திறப்பு விழா நடைபெற உள்ளது. மேலும் உலகத் தரத்தில் நவீன வசதிகளுடன் மேம்படுத்தப்பட்ட பல்வேறு விளையாட்டு அரங்கம், வகுப்பறைகள், ஆய்வகங்கள் உள்ளிட்டவை திறப்பு விழாவும் நடைபெறவுள்ளது.

இவ்விழாவுக்கு பள்ளித் தாளாளா் பி.ராஜ்குமாா் முன்னிலை வகிக்கிறாா். சிறப்பு அழைப்பாளா்களாக கல்வியாளா் பி.கே.கிருஷ்ணராஜ் வாணவராயா், ராமகிருஷ்ணா மடம் சுவாமி ஹரிவிரதானந்த மகராஜ் ஆகியோா் பங்கேற்கின்றனா்.

கௌரவ அழைப்பாளா்களாக கோவை பயனீா் கலை அறிவியல் கல்லூரி முதல்வரும், தமிழ்த் துறைத் தலைவருமான டாக்டா் கே.முருகேசன், ரோட்டரி பொறுப்பாளா்கள் தனசேகா், பூபதி உள்ளிட்டோா் பங்கேற்கின்றனா்.